Sot në Bruksel në skrining agjendën bilateralefilluan takimet për Kapitujt 14 dhe 21 respektivisht “Politika e transportit” dhe “Rrjetet trans-evropiane” të cilët janë pjesë e Klasterit 4 Agjenda e gjelbër dhe ndërlidhja e qëndrueshme.
“Politika e transportit është një nga shtyllat më të rëndësishme për rritjen, konkurrencën dhe zhvillimin e ekonomive moderne. Nga ana tjetër, pranojmë se Rrjetet Trans-Europiane të transportit identifikojnë korridoret prioritare dhe fushat tematike të infrastrukturës së transportit trans-evropian dhe sigurojnë udhëzime për përzgjedhjen e projekteve. Përshëndesim qëllimin e Komisionit Evropian për të investuar përpjekje shtesë në zhvillimin e korridorit të ri evropian të transportit në Ballkanin Perëndimor”. – tha në fjalimin hyrëse para përfaqësuesve të Komisionit Evropian, Drita Abdiu Halili, zv.kryenegociatorja me BE-në.
Ajo shtoi se Qeveria në mënyrë aktive promovon bashkëpunimin rajonal dhe ndërlidhjen, duke treguar dimensionin ndërkombëtar të të gjitha llojeve të transportit, me një fokus të veçantë në zhvillimin dhe modernizimin e infrastrukturës në kuadër të rrjeteve trans-evropiane.
Skrining takimet për këta 2 kapituj shumë të rëndësishëm kanë për qëllim të japin pasqyrim më të qartë legjislacionit tonë me legjislacionin e BE-së, duke iu referuar masave të zbatuara, planeve të ardhshme dhe afatit kohor të pritshëm në të cilin duhet të transpozojmë legjislacionin e ri evropian në kornizën tonë ligjore.
Në skrining takimet për fushat e Kapitullit 14 dhe 21, të cilët do të vazhdojnë deri në fund të javës, marrin pjesë përfaqësues nga disa institucione shtetërore edhe atë: Ministria e Punëve të Brendshme, Ministria e Ekonomisë, Agjencia e Aviacionit Civil, Inspektorati Shtetëror për Transport, Ndërmarrja Publike për Rrugë Shtetërore, Ndërmarrja Shtetërore për Infrastrukturë Hekurudhore, Komisioni Shtetëror për Parandalimin e Korrupsionit dhe përfaqësuesit e Sekretariatit për Çështje Evropiane.
Këngëtari nga Shkupi, Lindon Berisha së bashku me artistin nga Shqipëria Luiz Ejlli kanë lanësuar…
Qeveria merr vendim kolektiv, vendimet nuk janë individuale, theksoi sot ministrja e Financave, Gordana Dimitrieska…
“Vendimet e qeverisë janë kolektive dhe jo individuale”, kështu u përgjigj sot ministrja e Financave,…
Është me interes pubik që të dihet se çfarë kuadro ka partia Besa, respektivisht për…
Bashkimi Demokratik për Integrim (BDI) shpreh shqetësimin e saj për reagimin e fortë që po…
Bashkimi Demokratik për Integrim sot mbajti mbledhjen e përgjithshme të partisë në Gostivar. Kreu i…