Hoti ‘sulmon’ Osmanin: Presidentja i qëndron krah pushtetit në shkatërrimin e marrëdhënieve me SHBA
Hoti ‘sulmon’ Osmanin: Presidentja i qëndron krah pushtetit në shkatërrimin e marrëdhënieve me SHBA
14:41, 09/06/2023
Ish-kryeministri i Kosovës, Avdullah Hoti, ka thënë se presidentja e vendit, Vjosa Osmani, nuk është deklaruar për përjashtimin e FSK nga “Defender 2023”, përcjell Syri.net Kosova
Hoti, përmes një statusi në rrjetin social në Facebook, ka shkruar se Osmani është duke qëndruar krah Qeverisë së Kosovës në shkatërrimin e marrëdhënieve të Kosovës me SHBA.
807134094107440“Komandantja Supreme e Forcave të Armatosura asnjë fjalë s’e nxjerr nga goja për përjashtimin e ushtrisë të cilën e komandon, nga ushtrimi më i madh që është mbajtur ndonjëherë në rajon – ‘Defender 2023’. Shefja e shtetit po qëndron krah pushtetit në shkatërrimin e marrëdhënieve të Republikës së Kosovës me aleatin kryesor që garanton sigurinë e shtetit të Kosovës, SHBA-në”, ka thënë Hoti.
Po ashtu, ai ka thënë se si çdo republikë parlamentare, edhe Kosova e ka presidentin posaçërisht për raste të tilla, për t’i mbajtur balancet institucionale dhe për t’ia pamundësuar mazhorancës veprimet që dëmtojnë interesat shtetërore duke ndjekur interesat e tyre elektorale.