Zhvillimet në veri të Kosovës, ishin objekt i debatit edhe në emisionin “Opinion” në Tv Klan. Në një ndërhyrje gjatë emisionit, kryeministri Edi Rama theksoi se situata e krijuar në Kosovë është e rrezikshme dhe e panevojshme, ndërsa si zgjidhje mbështet propozimet e ndërkombëtarëve.
“Qëllimi është që serbët të kthehen në institucione dhe jeta të vazhdojë normalisht. Zgjedhje të reja menjëherë.”
Sipas tij, përpjekjet për të mbajtur në detyrë kryetarët e rinj të komunave në veri janë pavlerë.
“Është e kotë të insistohet në qëndrimin e këtyre personave në godina boshe që mbrohen me polici nga populli atje.”
Zgjidhja sipas tij mund të vijë menjëherë nëse kryeministri i Kosovës pranon të pranojë thirrjen e ndërkombëtarëve.
“Albini e ka të gjithë lojën në dorë. Është sot Kosovë, pikërisht sepse janë të gjithë ata, të cilët sot po i kërkojnë Kosovës që të sillet si një shtet serioz dhe i pjekur dhe jo të nxjerrë kunja.”
Pavarësisht situatës në veri, kreu i qeverisë shqiptare bëri të ditur se nuk ka pastur një komunikim me drejtuesit e Kosovës për këtë çështje.
“Nuk e kanë kërkuar një diskutim të tillë dhe nuk jam unë që duhet të jua kërkoj atyre një diskutim sepse ata janë përfaqësuesit më të lartë të shtetit demokratik dhe të pavarur të Kosovës dhe unë nuk jam babai i Kosovës.”
Tv Klan
Këngëtari nga Shkupi, Lindon Berisha së bashku me artistin nga Shqipëria Luiz Ejlli kanë lanësuar…
Qeveria merr vendim kolektiv, vendimet nuk janë individuale, theksoi sot ministrja e Financave, Gordana Dimitrieska…
“Vendimet e qeverisë janë kolektive dhe jo individuale”, kështu u përgjigj sot ministrja e Financave,…
Është me interes pubik që të dihet se çfarë kuadro ka partia Besa, respektivisht për…
Bashkimi Demokratik për Integrim (BDI) shpreh shqetësimin e saj për reagimin e fortë që po…
Bashkimi Demokratik për Integrim sot mbajti mbledhjen e përgjithshme të partisë në Gostivar. Kreu i…