Të gjitha vendet nga Ballkani Perëndimor janë në një rrugë të gjatë drejt anëtarësimit në Bashkimin Evropian edhe atë pa nevojë. Maqedonia shumë kohë më parë është dashur të jetë anëtare e Unionit dhe prandaj i bëj thirrje kryetares së Komisionit Evropian që të bëjë gjithçka në mënyrë që vendet e Ballkanit Perëndimor të anëtarësohen sa më shpejt në Union dhe të tregojnë më shumë empati për qytetarët dhe qytetaret në këtë pjesë të botës. Pamë nga shembulli i Ukrainës se rruga drejt Evropës duhet të jetë më e shpejtë.
Këtë e bëri të ditur ish presidenti kroat Stipe Mesiq i cili sot me presidentin Stevo Pendarovski po merr pjesë në Forumin energjetik të Maqedonisë 2023, duke shkëmbyer qëndrime mbi situatat energjetike dhe politike dhe sfidat për vendin dhe rajonin.
Sipas Mesiqit, porosia më e thjeshtë për vendin është të përmbushen standardet dhe kushtet e Bashkimit Evropian për të përshpejtuar anëtarësimin në BE.
Evropa e tashme në BE, vlerësoi ai, është pak e lodhur nga asociacionet, kurse vendet që nuk janë pjesë e BE-së janë të lodhur nga pritja.
“Atraktiviteti i BE-së po zbehet dhe kjo nuk është mirë, sepse shpikësit e BE-së ishin liderë dhe e dinin se çfarë donin. Sot duhet të më falni, por nuk shoh liderë të vërtetë as në Evropë e as në botë, ata janë burokratë në Bruksel me rroga të mëdha, por nuk shoh rezultate. Në vend që të përshpejtohet hyrja e vendeve që presin dhe të ndihmohen që sa më shpejt të hyjnë në BE, atraktiviteti po humbet”, ka thënë Mesiqi.
Shpikësit e BE-së, kujtoi ai, parashikuan që e gjithë Evropa të bashkohej, të hapen kufijtë dhe të bashkëpunonin mes veti, gjë që do të përjashtonte luftën si një mjet politik.
“Udhëheqësia e sotme e BE-së po e ngadalëson pak në vend që të përshpejtojë hyrjen e pjesës tjetër të BE-së, në mënyrë që Evropa të bëhet një kontinent i paqes dhe bashkëpunimit. Duhet të përshpejtohet hyrja në BE. Evropa do të bëhet një lojtar kryesor vetëm nëse bashkohet dhe çka është më e rëndësishmja, do të jetë një kontinent i paqes. Sa janë të vetëdijshëm për këtë në Bruksel dhe jashtë Brukselit është çështje tjetër, por sipas asaj që po ndërmerret, nuk kam ndjesinë se dikush mendon për këtë”, theksoi Mesiq.
Duke theksuar se kriza gjeopolitike e ka thelluar krizën energjetike, ish presidenti kroat ka thënë se po merren vendime të vështira dhe anëtaret e Unionit po përgatiten për një epokë të re.
“Unë vërtet e mbështes pavarësinë energjetike evropiane, por mënyra se si po ndërtohet tani dhe vrasësi i gjeopolitikës e vendos Evropën në një pozitë të re vartësie energjetike me ndryshimin që disa energjensë tani i paguajmë katër herë më shtrenjtë. Nuk është zgjidhje afatgjate dhe është një kërcënim për konkurrencën globale të BE-së. Unë e kuptoj që Unioni duhet të jetë ambicioz në zgjidhjen e çështjeve të pavarësisë energjetike dhe se çdo vend duhet të luajë rolin e vet, por duhet të jetë edhe fleksibil, sepse vende të ndryshme kanë rrethana të ndryshme energjetike dhe realitet ekonomik. Asnjë vend në rajonin tonë nuk duhet të jetë viktimë e asaj politike të re të pavarësisë energjetike që e udhëheq Brukseli, as tani e as në 10 vitet e ardhshme”, tha Mesiq.
Sipas tij, Bashkimi Evropian duhet ta pranojë se ky tranzicion krijon probleme të reja dhe varfëri të re për vendet e prekura evropiane në EJL dhe se duhet të pranojë edhe përgjegjësinë e saj. Unioni duhet t’u sigurojë vendeve të EJL-së ndihmë të barabartë dhe afatgjate në të gjitha format për rajonin tonë për pavarësi të re energjetike. Në këtë duhet parë në radhë të parë si në një investim në stabilitetin ekonomik në këtë pjesë të Evropës të cilën Brukseli nuk e di nga çfarë e sheh si një zonë të dorës së dytë me rëndësi gjeopolitike për stabilitetin e saj. Është një hierarki e gabuar”, ka thënë Mesiqi. Fokusi i edicionit të gjashtë të MEF është tranzicioni i gjelbër dhe rezistenca energjetike.