Ministri i Administrimit të Pushtetit Lokal Elbert Krasniqi, ka pritur në takim ambasadorin e Francës në Republikën e Kosovës z. Olivier Guerot.
Krasnqi dhe Guerot, në këtë takim kanë diskutuar për bashkëpunimin e mirë në mes dy shteteve si dhe situatën aktuale politike në vend.
I pari i MAPL-së e njoftoi diplomatin francez për zhvillimet e fundit.
Ai theksoi mbështetjen e institucionit që ai drejton në përmbushjen e obligimeve ligjore dhe kushtetuese të kryetarëve në mënyrë që të mundësohet zhvillimi lokal, dhe ofrimi i shërbimeve sa më të mira për qytetarët në Komunat të cilat tashmë udhëhiqen nga kryetarët e rinj.