Sot në hapësirat e Kuvendit është realizuar një takim mes kryetarit të Lëvizjes BESA, Bilall Kasami, dhe kryetarit të Alternativës, Afrim Gashi .Arsye e këtij takimi ishte zyrtarizimi i gatishmërisë për bashkëpunim dhe bashkërendim të aktiviteteve politike të të dyja partive në drejtim të ndërtimit të një kampi opozitar që, sipas njoftimit të Lëvizjes Besa fillimisht do t’i artikulojë dhe mbrojë interesat strategjike integruese të vendit, ato etnike shqiptare dhe, në përgjithësi, ato qytetare, ndërsa më tej do të synohet që ky bashkëpunim të shtrihet në nivele të tjera të ndërveprimit politik, transmeton Flaka.
Ky bashkëpunim po komentohet në mënyra të ndryshme. Gazetari dhe njohës i mirë i zhvillimeve politike në vend, Destan Jonuzi në një prononcim për Flaka, thotë që në koluare të politikës përflitet që lideri i VMRO-DPMNE Hristijan Mickoski, madje u ka premtuar pjesëmarrje në qeverinë e tij, nëse i fiton zgjedhje pavarësisht numrave të deputetëve që do t’i kenë këto dy subjekte politike opozitare.
“Bilall Kasami dhe Afrim Gashi, pra Lëvizja BESA dhe Alternativa kanë nënshkruar marrëveshje nënën presionin e anketave publike, të cilat këto dy parti i renditin me besueshmëri të dobët te elektoratit shqiptar. Por, ajo qe ua ka imponuar këtë bashkëpunim është rritja e opozitës maqedonase në elektoratin maqedonas. Mendojë se nën diktatin e kësaj është arritur kjo marrëveshje, madje qarkullojnë edhe informacione në koluare të politikës se lideri opozitar Hristijan Mickoski u ka premtuar pjesëmarrje në qeverinë e tij, nëse i fiton zgjedhje pavarësisht numrave të deputetëve që do t’i kenë. Ndajë mendimin, se marrëveshjet e tilla që kanë pë synim marrjen e pushtetit pa legjitimitet popullor janë të destinuara të dështojnë herët ose vonë. Nëse i referohemi kësaj, atëhëre këtu nuk ka as parime, as program, as idela, as interes qytetarë, përveç bindejs së Mickoski mund ta fitojë pushtetin e këto mund të marrin ministrinë e Bujqësisë dhe atë të Kulturës”, thotë në një prononcim për Flaka, Destan Jonuzi gazetar dhe njohës i mirë i zhvillimeve politike në vend.
Në këtë prizëm po shihet ky bashkëpunim edhe nga gazetari dhe njohësi i mirë i rrethanave politike në vend, Driton Zenku. Në një prononcim për Indeks.mk, Zenku thotë që bashkëpunimi mes tyre është legjitim po por jo parimor.
“Shkurt ky do të ishte vlerësimi mbi këtë bashkëpunim mes dy partive opozitare. Pse them legjitim? Janë dy subjekte politike që askush nuk mund të ua mohon bashkëpunimin mes tyre. Nuk është as hera e parë as do jetë e fundit. Fundi, edhe njëra edhe tjetra deri tani kanë bërë bashkëpunime pafund me parti të tjera. Jo parimor e mendoj për shkak të së shkuarës së tyre. Në vitin 2014 u formua Lëvizja Besa nga po këta protagonist. Pas dallimeve dhe përꞔarjes së thellë në këtë subjekt politik si fraksion lindi partia e re Alternativa. Ishin pikërisht Bilall Kasami dhe Afrim Gashi si protangost të ndarjes. Brenda këtye viteve, u shkëmbyen akuza të ndërsjella mes tyre dhe as që diskutohej përafrimi apo bashkëpunimi. Por në politikë asnjëherë mos thuaj jo”, thotë Zenku.
Sipas tij, bashkëpunimi ka për bazë anëtarin në KSHZ dhe fondin që ndan shteti për partitë politike rreth marketingut politik në zgjedhje.
“Mendoj që ky bashkëpunim është i momentit, edhe pse momenti aspak i qëlluar. Interes i momentit mund të jetë KSHZ dhe fondi që ndan shteti për partitë politike rreth marketingut politik në zgjedhje. Mendoj se momenti nuk është aspak i favorshëm nga fakti që vetëm një ditë para NDI publikoi sondazhin ku Lëvizja Besa qëndronte me 1% përkrahje në elekotrat, e Alternativa as që ishte e ranguar në listë. Të thirreth në konsolidimin e opozitës me 1 përqind përkrahje për dallim nga dy subjketet politike në qeveri me 11 përqind disponim në opinionin publik, thirrja padyshim se është e zbehtë”, shton Zenku.
Të premten nga Lëvizja Besa kanë bërë të ditur se kryetari i kësaj partie, Bilall Kasami ka nënshkruar marrëveshje për bashkëpunim me Alternativën e Afrim Gashit. Në njoftim thuhet se është “momenti historik që imponon që të gjitha forcat politike shqiptare të bashkëpunojmë për ta deligjitimuar qeverisjen aktuale”. Flaka