Ish-banorja e “Big Brother VIP”, Diola Dosti, ka folur shpesh për raportin e saj të mbyllur me ish-partnerin me të cilin ka edhe 3 fëmijë.
Në një intervistë në “Ftesë në 5” ajo ka pranuar së fundmi se është tradhtuar nga ish-partneri i saj.
Të vënë përballë situatës nëse janë tradhtuar nga partneri me dikë që nuk e krahasojnë me veten, Diola u përgjigj me “po”. Sipas saj, tradhtia nuk falet dhe partnerin do e linte të shkonte me të dashurën e tij.
“Unë mendoj që në momentin që hyn një person tjetër, pra unë jam e para dhe ajo është e dyta, pra futet në mes, më mirë të mbajë të dytën. Aman të keqen ia kam falur se nuk e dua fare.
Pra në momentin që bën një zgjedhje tjetër dhe unë investoj kaq shumë te vetja ime, në integritetin tim e për trajnime dhe ai zgjedh dikë tjetër… merre se ta kam falur”, tha ajo në emisionin “Ftesë në 5”.