Jennifer Lopez ka diskutuar një temë që shumë njerëz zakonisht do të donin ta mbanin për vete. Ajo sigurisht nuk është personi i vetëm në botë që ka pasur fëmijë me dy partnerë të ndryshëm, por shumica e njerëzve nuk do të spekulonin se kush është një prind më i mirë.
Aktorja 53-vjeçare aktualisht është duke bërë shumë intervista teksa kërkon të promovojë filmin e saj më të fundit në Netflix, i cili titullohet “The Mother”. Përderisa shumë nga pyetjet dhe përgjigjet kanë qenë kryesisht të përqendruara te produksioni, asaj i është lënë pak hapësirë për të folur për jetën e saj personale, të cilën shumë njerëz e shohin shumë interesante.
Në një nga këto intervista, Lopez ka folur nëse bashkëshorti aktual, Ben Affleck, është një baba më i mirë se ish-partneri i saj Marc Anthony.
Artistja shpesh ka vënë në dukje se fëmijët e saj kanë marrëdhënie shumë të mirë me Affleck. Por ajo që vjen më pas nuk është e mirë për Anthony.
Anthony është babai i binjakëve të Lopez, por në një intervistë për The View, ajo tha: “Sinqerisht, ai (Ben Affleck) është babai më i mirë që kam parë ndonjëherë”, duke nënkuptuar se ai është më i mirë për të kaluar kohë me binjakët e saj sesa Anthony.
