Komisioni për Çështje Evropiane procedoi tutje edhe me propozim ligjin për Ndërtim, i cili në këtë komision u dorëzua për ndryshim me pakon e ligjeve për lehtësim dhe përshpejtim të ndërtimit të Korridorit 8 dhe 10D, raporton indeks.mk.
Ky është ligji i tretë që kalon filtrat e Komisionit në fjalë nga pesë që më tërësi janë dorëzuar me flamur Evropian nga ana e Qeverisë.
Nga Komisioni, ligjet e ndryshuara, plotësuara kalojnë në seancë plenare ku edhe diskutohet e më pastaj pritet edhe të votohen.
Kësisoj, të tre ligjet që tashmë kaluan KÇE-në, 1. Ligji për Marrëdhënie Pune, 2. Ligji për Planifikim Urbanistik, 3. Ligji për Ndërtim, janë para deputetëve dhe debati ka përfunduar vetëm për ligjin e parë, kurse diskutimi sot ka vazhduar për ligjin e dytë, e më pastaj edhe për ligjin që në seancën e rradhës pritet të shtohet në rendin e ditës.
Ndryshe, nesër në Komisionin për Çështje Evropiane do të fillojë debati për propozim-ndryshimin e ligjit për shpronësim.
E për rëndësinë e Korridoreve 8-10D, foli edhe ambasadorja Amerikane në vendin tonë, e me konstatimin e sajë, pajtohen edhe deputetët e shumicës parlamentare./indeks.mk/