Para fillimit të dialogut Kosovë Sërbi në Ohër, kryeministri i Kosovës Albin Kurti ka zhvilluar një takim me liderin e BDI-së Ali Ahmeti dhe ministrin e jashtëm të Maqedonisë së Veriut Bujar Osmani shkruan Tetovasot. Ky takim i ka paraprirë atij për dialogun Kosovë – Serbi, që do të zhvillohet sot në Ohër .
Kryeministri i Kosovës, Albin Kurti, dhe presidenti i Serbisë, Aleksandar Vuçiq, do të takohen fillimisht veç e veç me ndërmjetësuesit e bisedimeve: shefin e politikës së jashtme të BE-së, Josep Borrell, dhe të dërguarin e posaçëm të BE-së për dialogun Kosovë-Serbi, Mirosllav Lajçak. Kurti dhe Vuçiq e kanë pranuar në parim propozimin e BE-së për normalizimin e marrëdhënieve, gjatë një takimi në Bruksel, më 27 shkurt.
