Kryetari i Bashkimit Demokratik për Integrim, Ali Ahmeti ka përshëndetur vendimin e 27 vendeve anëtare të Bashkimit Europian që votuan pro për liberalizimin e vizave për Kosovën.
Ahmeti në urimin e tij poashtu thekson se ky proces tashmë i nisur duhet të përfundoj sa më parë dhe të sigurohet lëvizje e lirë për qytetarët e Kosovës.
Statusi i plotë:
Përshëndes deklarimin e sotëm unanim të ministrave të 27 vendeve anëtare të Bashkimit Europian pro liberalizimit të vizave për Kosovën.
Vendim i shumëpritur që Kosova me qasjen e saj të konfirmuar proeuropiane e ka merituar shumë kohë më parë.
Uroj sa më shpejt përmbylljen e plotë të këtij procesi dhe lëvizjen e lirë të qytetarëve të Kosovës në të gjithë zonën Shengen.