Zëvendës kryetari i parë i Qeverisë dhe ministër për Sistem Politik dhe Marrëdhënie Ndërmjet Bashkësive, z. Artan Grubi sot ka pritur në takim Zëvendës ministren për Europë dhe Punë të Jashtme të Republikës së Shqipëris, znj. Artemis Malo.
Procesi i integrimit europian, reformat që po bëhet në vend përfshirë këtu edhe frontin e përbashkët proeuropian, projektet e përbashkëta mes dy vendeve, Korridorin 8, vendkalimin e përbashkët kufitar, Portin e thatë të Strugës si dhe 21 marrëveshjet e nënshkruara në mbledhjen e përbashkët ndërqeveritare ishin pjesë e bisedës mes Grubit dhe Malos.
Të dy bashkëbiseduesit potencuan rëndësinë e stabilitetit në rajon, ruajtjen e kompaktësisë në rrugën europiane si dhe mbështetjen e plotë të politikave zhvillimore mes Republikës së Maqedonisë së Veriut dhe Republikës së Shqipërisë.
Në takim është theksuar se rruga e përbashkët europiane të cilën e kanë nisur të dy vendet duhet të finalizohet me integrim të plotë në familjen e madhe europiane.
Pjesë e bisedës mes Grubit dhe Malos ishte dhe kontesti mes Republikës së Kosovës dhe Republikës së Serbisë, ku u vlerësua se zgjidhja përfundimtare përmes njohjes së ndërsjellë do të sjellë më shumë siguri dhe prosperitet në Ballkanin Perendimor.
Këngëtari nga Shkupi, Lindon Berisha së bashku me artistin nga Shqipëria Luiz Ejlli kanë lanësuar…
Qeveria merr vendim kolektiv, vendimet nuk janë individuale, theksoi sot ministrja e Financave, Gordana Dimitrieska…
“Vendimet e qeverisë janë kolektive dhe jo individuale”, kështu u përgjigj sot ministrja e Financave,…
Është me interes pubik që të dihet se çfarë kuadro ka partia Besa, respektivisht për…
Bashkimi Demokratik për Integrim (BDI) shpreh shqetësimin e saj për reagimin e fortë që po…
Bashkimi Demokratik për Integrim sot mbajti mbledhjen e përgjithshme të partisë në Gostivar. Kreu i…