Këngëtarja nga Kosova Nita Latifi gjatë ditës së sotme ka rrëfyer në Big Brother Albania VIP 2 se para një viti e gjysmë është përballur me tumorin në gji.
Banorja e cila ka dhjetë ditë që i është bashkuar shtëpisë më të famshme në Shqipëri, ka rrëfyer se ani pse ajo e kishte hequr pjesën tumorale para një viti e gjysmë, doktorët gjatë disa kontrollove që ka bërë sot, i kanë thënë se ajo ka ende diçka, por që është nën kontroll.
Këtë rrëfim ajo e bëri, pasi siç tha ajo kishte katër ditë që kishte pasur shqetësime në atë pjesë.
Në fund, të gjithë banorët të mbledhur pranë saj i uruan asaj që gjithçka t’i shkojë mirë, ndërsa Nita kërkoi nga ta që të kenë kujdes me shprehjet që përdorin brenda shtëpisë.