Rivotimi, porosia e VMRO-së/ Shaqiri: Është e qartë, po frikësohen nga “Fronti Europian”

Ministri i Arsimit dhe Shkencës Jeton Shaqiri që vjen nga Bashkimi Demokratik për Integrim, parti e cila bën pjesë në “Frontin Europian”, në “Facebook”, ka publikuar disa dëshmi për siç thotë ai, inzhineringun zgjedhor, pas vendimit skandaloz që morri KSHZ-ja për ri-votim.

Sipas Shaqirit, përmendja e BDI-së në porositë e VMRO-së e bën të qartë frikën që ato realisht kanë nga “Fronti Europian”.

Në fund, Shaqiri ka bërë apel për të gjithë struganët që mos binë pre e këtyre manipulimeve, dhe ka ftuar të gjithë ata që votojnë në këtë vendvotim të dalin dhe të votojnë “Frontin Europian”.

“Kjo thirrje është dëshmi e qartë se cili është qëllimi i vendimit të KSHZ për rivotim. Inzhineringun zgjedhor edhe në vendvotimin 1844 në Strugë e paskan kalkuluar në detaje dhe shumë Alena do të thirren në qëllimin e marrjes së një deputeti të BDI (çfarë histerie, përmendin vetëm BDI, por harojnë se BDI garoi në koalicion jo vetë). Kjo e bën të qartë frikën e tyre një Front Europian fuqia e dytë politike në vend dhe qëllimin e Frontit për rrugën euro-integruese të vendit. Struganë të dashur, mos bini pre e këtyre manipulimeve, ju që votoni në këtë vendvotim dilni të gjithë të votoni Frontin Europian që ta mbroni dinjitetin tuaj të cilin të tjerët duan ta nëpërkëmbin”, ka shkruar Shaqiri.