Liga e Parë: Të shtunën luhet java e 31-të, në Çair superderbi Shkupi – Shkëndija

Kampionati në Ligën e Parë të futbollit vendor vazhdon të shtunë me fillim në orën 17:00, me ndeshjet e javës së 31-të të kampionatit 2023/2024.

Java e 31-të e kampionatit sjell edhe super derbin e futbollit vendor mes dy ekipeve petendente për titullin kampion Shkupi – Shkëndija që aktualisht kanë nga 58 pikë aq sa ka edhe kampioni nè fuqi Struga Trim Lum që nesër përballet me Gostivarin. Pikërisht nga epilogu i këtyre dy ndeshjeve ndoshta mund të mësohet edhe kampioni eventual i këtij sezoni.

Ndeshje interesante pritet të zhvillohet edhe në Ohër aty ku Voska Sport është nikoqire e Sileksit, ndërsa në arenë “Todor Proeski” përballen Rabotniçki – Tikveshi dhe në Turnovë AP Brera, është nikoqire e Bregallnicës. Të gjitha ndeshjet e javës së 31-të luhen të shtunë me fillim në ora 17:00, takohen: Shkupi – Shkëndija, Struga Trim Lum – Gostivari, Voska Sport – Sileksi, Rabotniçki – Tikveshi , Vardari – Makedonija Gj.P dhe AP Brera – Bregallnica

Tabela: 1.Shkëndija 58, 2.Struga Trim Lum 58, 3.Shkupi 58, 4. Tikveshi 42, 5. Sileksi 41, 6. Gostivari 40, 7. Rabotniçki 38. 8. AP Brera 37, 9. Voska Sport 37, 10.Vardari 32 , 11. Makedonija Gj.P 26, 12. Bregallnica 26 pikë