Hoxha-Aliut: E keni akuzuar Grubin, mirëpo prap pranuat e u bëtë patericë e BDI-së në qeveri

Analisti politik Dibran Hoxha për Debat Plus, ka adresuar çështjen e reformave dhe të përgjegjësisë së zyrtarëve të lartë në administratën e Maqedonisë. Ai tha se Aliu, nuk ka ofruar zgjidhje ligjore gjatë kohës së qeverisjes së tij si ministër. Hoxha ka theksuar nevojën për procedura të qarta ligjore për vlerësimin dhe testimin e performancës së drejtorëve dhe nënpunësve të administratës.

“Zoti Aliu ju keni qenë ministër në administratë, dhe për atë kohë që keni qenë, keni mundur të ofroni zgjidhje përmes legjislacionit për këto që po i thoni. Nëse mendoni se një drejtor për 12 vite nuk mundet ta kryej funksionin e tij ju duheni të parashikoni përmes ligjeve procedura për vlersim, filtra e me rradhë, se sa mundet drejtorët të performojnë punën e tyre. Por ju si ministër si ekzekutiv është dashur të propozoni ligje që vlersojnë apo testojnë punën e këtyre nënpunësve. Ju keni hyrë në koalicion me BDI-në dhe për aq sa keni qeverisë e keni parë që nuk mundeni të çoni reforma përpara”, tha Hoxha.

Gjithashtu, Hoxha ka komentuar mbi dinamikën e koalicioneve politike, duke iu referuar akuzave të hedhura nga Aliu ndaj Artan Grubit dhe ndryshimeve të fundit në skenën politike. Ai ka vënë në dukje se ndërsa Alternativa ka dalë nga koalicioni qeverisës dhe është zëvendësuar nga Aleanca, BDI-ja ka mbetur një konstante, duke sugjeruar se Aliu dhe aleatët e tij janë bërë paterica të BDI-së.

“Me sa ju dëgjova para dy muajve keni hedhur akuza të rëda ndaj Artan Grubit, duke thën që që ai do të jetë në qendër të vëmendjes dhe i shfrytëzon të tjerët për qëllimet e veta, dhe mbasi keni vendosur që ta bëni koalicionin, keni nis që t’i hudhni këto akuza, dhe nga ai koalicion qeverisës ka dalë Alternativa dhe keni hyrë ju si Aleancë. Në rrafshin politik Alternativa ka dalë dhe ka hyrë Aleanca po konstantja ka mbet BDI-ja dhe ju jeni shndërruar në paterica të BDI-së, dhe kur e keni kuptuar që me BDI-në nuk keni mundur të vazhdoni dhe keni krijuar një rafsh politik”, tha Hoxha.