Fronti Europian në Zhelinë: Na pret fitore historike

Fronti Europian sonte është ndalur për bashkëbisedim me banorët e komunë së Zhelinës. Përveç kandidatit për president, Bujar Osmanit të pranishëm ishin edhe kryeministri Talat Xhaferi, Sekretari i përgjithshëm i BDI Faton Ahmeti si dhe kandidatët për deputet në Zonën së VI-të zgjedhore Ilirie Dauti, Arjanit Hoxha, Fatmire Isaki etj.

Talat Xhaferi i siguroi banorët e komunës së Zhelinës se zgjedhjet do të jenë europiane dhe të lira.

“Në cilësinë e kryetarit të Qeverisë sigurojë se zgjedhjet do të jenë të lira, do të jenë shprehja e vullnetit tuaj, ashtu siç e meritoni të shprehni të lirë vullnetin. Ne i mbajmë mirë ato kohëra kur duhej ti mbrojmë kutit e votimit. Nuk ka nevojë më për atë. Ne duhet të tregojmë cilësinë tonë europiane, ne jemi europian, mbi gjysmën e popullit e kemi europian dhe atë kulturë e kemi dhe duhet ta bartim këtu. Ajo është e lindur si kulturë, jeton me ne dhe atë duhet ta shprehim të lirshëm”, tha në fjalën e tij Xhaferi.

Bujar Osmani në fjalën e tij tha se për Frontin Europian do të shkruajnë librat e historisë.

“Nuk jeni të vetëdijshëm për peshën e këtij momenti historik, sepse ashtu është e zakonshme. Momentet historike në periudhën që ndodhin pak vlerësohen nga bashkë-kohanikët, por historia e tregon peshën e vërtet të misioneve të tilla. Për herë të parë kemi arritur bashkim të plotë të komunitetit shqiptar në Maqedoninë e Veriut, por ajo që është edhe me rëndësishme, që më respekton edhe bënë krenare ajo që jam pjesë e kësaj gjenerate, është se komunitetet tjera na zgjedhin ne shqiptarët si mbrojtës të të drejtave të tyre”, tha Osmani.

Ilire Dauti theksoi se njerëzit nuk bashkohen dhe bashkëpunojë për shkak të dallimeve që kanë, por bashkohen dhe bashkëpunojnë për shkak të ngjashmërive dhe gjërave të përbashkëta që i kanë.

“Në Frontin Europian na kanë bashkuar gjërat e përbashkët për të cilat ne punojmë dhe i përfaqësojmë”, tha ajo.

Faton Ahmeti kërkoi mobilizim maksimal në zgjedhjet presidenciale të 24 prillit, dhe ato parlamentare të 8 majit.

“Të gjitha partitë politike që jemi pjesë e frontit të angazhohemi, të mobilizohemi në maksimum të përkrahim kandidaturën e presidentit Bujar Osmani. Bujar Osmani të bënë krenarë të bëjsh fushatë për të”, tha Ahmeti.

Fatmire Isaku potencoi se për herë të parë Fronti Europiane i bëri bashkë të gjitha forcat progresive që kanë për qëllim të promovojnë bashkëpunimin, zhvillimin e qëndrueshëm dhe paqen në vend.

Arjanit Hoxha tha se ndryshe nga opozita të cilën e ka bashkuar Hristijan Mickoski, partitë e koalicionit Fronti Europian janë bashkuar për një kauzë të madhe politike.

“Ne jemi bashkuar për një kauzë të madhe. Ndërsa çështja tjetër që ne nuk e kemi lejuar të ndodhë, ndërsa opozita e ka lejuar, që ti bashkon Hristijan Mickoski. Ne nuk duhet ta lejojmë këtë dhe duhet t’i tregojmë se për shqiptarët vendosin shqiptarët, nuk mund të vendosin as partitë maqedonase, as partnerët strategjik të cilët i kanë me sezone, kur ju duhen dhe kur nuk ju duhen. Momenti historik i bashkimit tonë është i ngjashëm me momentin historik të asaj që ndodhi në vitin 2001. Askush nuk pyeste në atë kohë, a është PPD, a është PDSH, por të gjithë u bashkuan në uniformën e UÇK-së”, tha Hoxha.

Kryetari i degës së BDI në Zhelinë, Emir Sulejmani tha se Fronti Europian garanton stabilitet, paqe, ekonomi dhe prosporitet.

“Në anën tjetër kemi një rrugëtim të paqartë i cili nuk e dimë se nga na orienton dhe nga na çon. Ne kemi vendosur të mos flasim për oponentët tanë shqiptarë, pasi që nuk i llogarisim si konkurrent politik. Ne do të jemi fitues absolut, dhe në vazhdimësi po bisedojmë se cila do të jetë diferenca, e jo fitorja, sepse fitorja është e padiskutueshme”, tha Sulejmani.