Filantropistja miliardere Mackenzie Scott, ish-bashkëshortja e Jeff Bezos, do të japë 640 milionë dollarë për organizatat jofitimprurëse, më shumë se dyfishi i shumës që ajo kishte planifikuar për këtë vit.
Paratë, siç është paralajmëruar, do t’u jepen 361 grupeve të vogla . Në veçanti, 279 organizatave jofitimprurëse iu dhanë nga 2 milionë dollarë secila, ndërsa 82 grupeve nga 1 milionë dollarë.
Midis përfituesve janë Unioni Amerikan i Lirive Civile (ACLU) i Alabamës, organizata Drejtësia për Gratë Migrante, një qendër LGBT në Sacramento dhe shërbimet e mbështetjes së shëndetit mendor. Më shumë se 6,000 organizata aplikuan për financim.
Scott fillimisht kishte planifikuar të jepte 250 çmime prej 1 milion dollarësh secili këtë vit.
Nga viti 2019 e deri më sot, kur u divorcua nga Jeff Bezos, pronari i Amazon, Scott ka dhënë mbi 16.5 milionë dollarë për bamirësi.
Pasuria e saj është 37.5 miliardë dollarë sipas Forbes, që e rendit atë si gruan e katërt më të pasur në botë.
Scott është zotuar të japë gjysmën e pasurisë së saj gjatë jetës së saj. Shumica e parave vijnë nga 4% e aksioneve në Amazon, e cila u përfshi në zgjidhjen e divorcit të saj nga Bezos.
Këngëtari nga Shkupi, Lindon Berisha së bashku me artistin nga Shqipëria Luiz Ejlli kanë lanësuar…
Qeveria merr vendim kolektiv, vendimet nuk janë individuale, theksoi sot ministrja e Financave, Gordana Dimitrieska…
“Vendimet e qeverisë janë kolektive dhe jo individuale”, kështu u përgjigj sot ministrja e Financave,…
Është me interes pubik që të dihet se çfarë kuadro ka partia Besa, respektivisht për…
Bashkimi Demokratik për Integrim (BDI) shpreh shqetësimin e saj për reagimin e fortë që po…
Bashkimi Demokratik për Integrim sot mbajti mbledhjen e përgjithshme të partisë në Gostivar. Kreu i…