Escobar: Çështjet e hapura në rajon e bëjnë Ballkanin Perëndimor të përzihet nga ndikimi rus!

Maqedonia e Veriut është partnere shumë solide e SHBA-së, si në aspekt dypalësh, ashtu edhe shumëpalësh në NATO dhe OSBE dhe Uashingtoni pret që edhe pas zgjedhjeve vendi të ketë qeveri të përkushtuar në anëtarësimin në Aleancë dhe të integrimit në BE, deklaroi sot zëvendës ndihmësi i sekretarit shtetëror amerikan për çështje evropiane dhe euroaziatike dhe përfaqësues special për Ballkanin Perëndimor, Gabriel Eskobar.

“Qeveria e kaluar ishte e përkushtuar në anëtarësimin në NATO dhe në anëtarësimin në BE dhe pritjet tona janë që qeveria e cila do të vijë pas zgjedhjeve të jetë ngjashëm e përkushtuar në anëtarësimin në NATO, anëtarësimin në BE dhe në luftën kundër korrupsionit”, deklaroi Eskobari në brifingun në Bruksel para vizitës së tij në Prishtinë, Vjenë dhe Podgoricë.

Ai shfaqi shpresë se pas zgjedhjeve do të krijohet mundësi që të udhëtojë në vend, sepse siç theksoi gjatë qëndrimit të sotëm në rajon do të jetë i përkushtuar në çështjet aktuale si ato në lidhje me Kosovën dhe ngjarjet në Mal të Zi.

I pyetur nëse Propozim-rezoluta e Senatit amerikan, e cila kërkon hapjen e klasterit të parë negociator të BE-së me vendin pa kushte shtesë dypalëshe, paraqet ndryshim të qëndrimit të SHBA-së në lidhje me ndryshimin e Kushtetutës, Eskobari theksoi se Maqedonia e Veriut dhe Bullgaria janë anëtarë të rëndësishme të NATO-s dhe aleatë të Uashingtonit, ndaj administrata amerikane dëshiron zgjidhje paqësore të të gjitha çështjeve.

Sipas tij, SHBA-ja angazhohet për vazhdimin e dialogut mes Maqedonisë së Veriut dhe Bullgarisë të bazuar në fakte dhe janë të përkushtuar në dispozitën për ruajtje të perspektivës evropiane në vend.

“Morëm siguri nga Bullgaria se ata duan që Maqedonia e Veriut të jetë anëtare e BE-së. Duhet ta shfrytëzojmë përparësinë e këtyre mundësive, sepse Maqedonia e Veriut duhet të jetë kandidate e barabartë për anëtarësim në BE”, shtoi Eskobari.

Sipas tij, pikërisht çështjet e hapura në rajon e bëjnë Ballkanin Perëndimor të nënshtruar në përzierje dashakeqe nga anash, përfshirë nga Rusia, pastaj për ulje të rrezikut nga ajo duhet të punohet në tejkalimin e çështjeve të pazgjidhura.