Epopeja e UÇK-së, Ahmeti: Vendosmëria heroike e familjes Jashari përballë barbarisë u bë kushtrim lirie

Kryetari i Bashkimit Demokratik për Integrim, Ali Ahmeti, përmes një shkrimi të shpërndarë në rrjetet sociale, ka folur për heroizmin dhe qëndresën e falmijes Jashari, në 26 vjetorin e Epopesë së UÇK-së.

Sipas Ahmetit, me qendresën e tyre, familja Jashari do t’i dëshmonin botës mbarë atdhedashurinë dhe shenjtërinë e lirisë, duke ujitur me gjakun e tyre të pastër përjetësinë e Kosovës sonë.

Shton se ajo vendosmëri e tyre heroike përballë barbarisë u bë kushtrim lirie.

Shrkimi i plotë:

26 vite më parë Jasharajt me heroizmin dhe qëndresën e tyre do t’i dëshmonin botës mbarë atdhedashurinë dhe shenjtërinë e lirisë, duke ujitur me gjakun e tyre të pastër përjetësinë e Kosovës sonë. Ajo vendosmëri e tyre heroike përballë barbarisë u bë kushtrim lirie, ata ranë heroikisht i madh e i vogël për të përcjellur mesazhin e fuqishëm të mosdorëzimit duke na e lënë amanet çlirimin dhe ruajtjen e dinjitetit të tokës ku u lindën dhe u rritën.

Në kujtimin e tyre gjejmë forcën dhe frymëzimin për të vazhduar kauzat kombëtare të përparimit! Lavdi e përjetshme Jasharajve, të gjithë dëshmorëve dhe martirëve të kombit!

<iframe src=”https://www.facebook.com/plugins/post.php?href=https%3A%2F%2Fwww.facebook.com%2FAliAhmetiOfficial%2Fposts%2Fpfbid02CW9rLbsgZfzyPTh2oNJHb6EPjcf6WNQ8drHTymJQAgvijVALXYuahVjTd3N8Nxznl&show_text=true&width=500″ width=”500″ height=”738″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share”></iframe>