Prokurori i Përgjithshëm në Shkup, Gavril Bubevski, ka konfirmuar se hetimi për vrasjet e Vanjës nga Shkupi dhe Pançe Zhezovskit nga Velesi është duke u zhvilluar me intensitet. Sipas tij, provat që janë në analizë korrespondojnë me deklarimet e të dyshuarve që janë në paraburgim.
“Jemi duke punuar me përkushtim mbi rastin dhe po analizojmë me kujdes çdo provë materiale që kemi në dispozicion. Konfirmoj se ka një përputhje mes provave të grumbulluara dhe dëshmive të të dyshuarve,” deklaroi Bubevski.
Prokurori ka zgjedhur të mos japë detaje të tjera rreth motivit të dyshuar të vrasjeve, duke iu referuar hetimeve në vazhdim.
Ndërkaq, një nga provat kyçe do të përfshihet në aktakuzën që pritet të ngritet, e cila do të zbardhë më shumë detaje rreth këtij krimi që ka tronditur opinionin publik.
Ndërsa Prokuroria e Shkupit vijon të mbajë nën vëzhgim të gjitha pistat e mundshme, autoritetet turke janë duke u përgatitur për të trajtuar kërkesën për ekstradimin e Ljupçe Palevskit, i cili është identifikuar nga prokuroria si organizatori dhe ekzekutori i dyshuar i këtyre vrasjeve.
Në një zhvillim të fundit, Presidenti Stevo Pendarovski ka shprehur në një intervistë se po planifikon të komunikojë me Presidentin e Turqisë, Recep Tayyip Erdogan, për të përshpejtuar procesin e ekstradimit. (politiko.makdomen.net)
Këngëtari nga Shkupi, Lindon Berisha së bashku me artistin nga Shqipëria Luiz Ejlli kanë lanësuar…
Qeveria merr vendim kolektiv, vendimet nuk janë individuale, theksoi sot ministrja e Financave, Gordana Dimitrieska…
“Vendimet e qeverisë janë kolektive dhe jo individuale”, kështu u përgjigj sot ministrja e Financave,…
Është me interes pubik që të dihet se çfarë kuadro ka partia Besa, respektivisht për…
Bashkimi Demokratik për Integrim (BDI) shpreh shqetësimin e saj për reagimin e fortë që po…
Bashkimi Demokratik për Integrim sot mbajti mbledhjen e përgjithshme të partisë në Gostivar. Kreu i…