SHBA-të kërkojnë nga Izraeli të hapë vendkalimin për ndihmat humanitare në Gaza

Sipas zyrtarëve amerikanë, SHBA-të po e shtyjnë Izraelin të lejojë kamionët me ndihma humanitare të hyjnë në Gaza direkt nga pika kufitare Kerem Shalom, në vend që të kalojnë nëpër Egjipt, për të lehtësuar vuajtjet e popullit palestinez, sipas zyrtarëve amerikanë.

Zyrtarët, të cilët folën për “CNN” në kushte anonimiteti, thanë se Presidenti i SHBA-ve Joe Biden dhe këshilltari i Sigurisë Kombëtare Jake Sullivan ngritën çështjen me kryeministrin izraelit Benjamin Netanyahu në telefonatat e fundit. Ata thanë se SHBA-ja dëshiron që Izraeli të hapë vendkalimin në mënyrë emergjente, pasi kalimi Rafah në kufirin egjiptian nuk mund të përballojë kërkesën në rritje për ndihmë.

Zyrtarët thanë se SHBA është e shqetësuar për situatën humanitare në Gaza, ku mijëra njerëz janë zhvendosur nga konflikti i vazhdueshëm midis Izraelit dhe Hamasit. Ata thanë se populli palestinez ka nevojë për më shumë ushqim, ujë, ilaçe dhe gjëra të tjera thelbësore, të cilat mund të dorëzohen vetëm përmes kalimit Kerem Shalom.

Megjithatë, Izraeli e ka refuzuar kërkesën e SHBA-së, duke thënë se nuk do të lejojë që asnjë ndihmë të shkojë drejtpërdrejt në Gaza nga territori i tij. Izraeli ka mbyllur vendkalimin Kerem Shalom që nga 7 tetori. Izraeli është zotuar gjithashtu të ndërpresë të gjitha lidhjet me Gazën, të cilën e konsideron një entitet armiqësor.

Zyrtarët amerikanë thanë se kanë arritur në një përfundimin, se kalimi në Rafah nuk është i mjaftueshëm për të përmbushur nevojat e popullit palestinez dhe se po i bëjnë thirrje Izraelit të rishqyrtojë pozicionin e tij. Ata thanë se SHBA-ja po bën të pamundurën që vendkalimi të hapet për të adresuar një situatë emergjente dhe se SHBA-ja është e përkushtuar të mbështesë Izraelin dhe palestinezët në gjetjen e një zgjidhjeje paqësore të konfliktit. (politiko.makdomen.net)