Kryeministri shqiptar, Grubi: Forcat vendore dhe komuniteti ndërkombëtar po e pranojnë të arriturën më të madhe të shqiptarëve

Në një takim me qytetarët në Këshillat Vendorë Teli dhe Dizhoni 2, zëvendëskryeministri i parë shqiptar, Artan Grubi, ka bërë një deklaratë të fuqishme mbi rëndësinë e pozitës së kryeministrit të parë shqiptar në Maqedoninë e Veriut. Ai ka kujtuar skepticizmin e vitit 2020, kur shumë njerëz e përqeshnin idenë e një kryeministri shqiptar si të pamundur, duke theksuar se partitë si LSDM dhe VMRO DPMNE ishin ato që përcaktonin kryeministrin.

Megjithatë, Grubi ka theksuar se kjo arritje tashmë është një realitet dhe se edhe forcat vendore edhe komuniteti ndërkombëtar e kanë pranuar si një hap të madh përpara për shqiptarët e Maqedonisë së Veriut.

“Pak njerëz besonin në vitin 2020 kur me zgjedhjet e 15 korrikut doli Ali Ahmeti në presskonferencë dhe tha ka arrdhur koha për kryeministrin e parë shqiptar. Filluan ta përqeshnin si ide, “asnjë nuk mund të bëhet kryeministër shqiptar, kryeministrin e fiton partia fituese gjithmonë është ose LSDM, ose VMRO DPMNE dhe ajo e përcakton. Ja që u bë kryeministri i parë shqiptar, pasi e përqeshnin pastaj filluan ta sulmojnë, ju kujtohet Zoran Zaevi BDI opozitë pse jo thoshte, Hrisitjan Mickoski njejt thoshte nuk vjen parasysh të bëhet kryeministër shqiptar, dhe në një debat televiziv që e kishin së bashku që të dy thanë që do të bëhen bashk në koalicion vetëm e vetëm të mos bëhet kryeministri i parë shqiptar edhe ajo u dështoj. Ja ku erdhi suksesi, ku të gjithë edhe forcat vendore edhe komuniteti ndërkombëtar po e pranojnë të arriturën më të madhe të shqiptarëve të Maqedonisë së Veriut në aspektin institucional administrativ të emërohet një kryeministër shqiptar”, tha Grubi.