Kovaçevski: BE-ja, një partner i rëndësishëm për rritjen ekonomike të vendit tonë

Në Bruksel, Kryeministri i Maqedonisë së Veriut, Dimitar Kovaçevski, ka hapur seancën e fundit të procesit të shqyrtimit të vendit në kuadër të integrimit evropian. Ky proces ka përfshirë Klasterin 6, që ka të bëjë me kapitullin 30 për Marrëdhëniet me jashtë dhe kapitullin 31 për politikën e përbashkët, të jashtme dhe të sigurisë. Në seancë kanë marrë pjesë zëvendëskryeministri për çështje evropiane, Bojan Mariçiq, si dhe përfaqësues nga institucionet e ndryshme kombëtare.

Kapitulli 30 trajton politikën e përbashkët tregtare me vende të treta dhe rregullat e BE-së për ndihmën humanitare dhe politikat e zhvillimit. Kovaçevski ka deklaruar se Maqedonia e Veriut nuk do të kërkojë periudha tranzitore, por do të zbaton plotësisht ligjin e BE-së. Ai ka theksuar se Maqedonia e Veriut ka një nivel të lartë të hapjes tregtare në rajon dhe ka arritur në 171% në vitin 2022. Ai ka shtuar se Bashkimi Evropian është partneri kryesor tregtar dhe investitor i vendit.

Kapitulli 30 mbulon disa fusha të rëndësishme të politikës së përbashkët tregtare dhe rregullat specifike për tregtinë. Kovaçevski ka bërë me dije se vendi është në fazën e ratifikimit të dokumentit referues për rregullimin vendor të shërbimeve dhe të Marrëveshjes për subvencione të peshkimit.
Me mbylljen e këtij kapitulli, procesi i shqyrtimit për Maqedoninë e Veriut është përfunduar zyrtarisht, pasi nisi më 15 shtator 2022 dhe u zhvillua sipas planit të paraparë. Tani vazhdojnë udhërrëfyesit për sundimin e ligjit, reformën e administratës publike dhe funksionimin e institucioneve demokratike.