Kryetari i Bashkimit Demokratik për Integrim, Ali Ahmeti ishte sot pjesëmarrës në manifestimin qëndror për shënimin e 115 vjetorit të Kongresit të Manastirit në Shkup.
Ahmeti përmes një publikimi në Facebook shkruan se përmes shënimit të këtyre festave kujtojmë sakrificën e intelektualëve të kohës drejt unifikimit të alfabetit dhe gjuhës shqipe.
Statusi i plotë:
Përvjetorin e 115-të të Kongresit të shkronjave shqipe të Manastirit e shënuam sot me manifestimin qëndror në Filharmoninë e Maqedonisë së Veriut, duke rikujtuar sakrificat shekullore të kombit tonë për të pasur shqipen e shkruar dhe shkollat tona, e drejtë e natyrshme, e luftuar padrejtësisht dikur.
Sot prezenca dhe fjalët e Presidentit të shtetit, Stevo Pendarovski dhe e Kryeministrit të vendit, Dimitar Kovaçevski për bashkëqytetarët e tyre shqiptarë ishin porosi e qartë se gjërat kanë ndryshuar, se gjuha jonë çmohet e nderohet dhe është vlerë e pakontestueshme e zhvillimit të vendit tonë.
Përvjetorët e alfabetit i festojmë me fanatizëm sepse respektojmë sakrificat e gjakut që është derdhur për atë kauzë që determinoi ekzistencën tonë.
Të rrojë përjetë gjuha jonë e bukur shqipe dhe kujtimi për ata që e ruajtën atë me jetët e tyre! Urime Dita e Alfabetit!
Këngëtari nga Shkupi, Lindon Berisha së bashku me artistin nga Shqipëria Luiz Ejlli kanë lanësuar…
Qeveria merr vendim kolektiv, vendimet nuk janë individuale, theksoi sot ministrja e Financave, Gordana Dimitrieska…
“Vendimet e qeverisë janë kolektive dhe jo individuale”, kështu u përgjigj sot ministrja e Financave,…
Është me interes pubik që të dihet se çfarë kuadro ka partia Besa, respektivisht për…
Bashkimi Demokratik për Integrim (BDI) shpreh shqetësimin e saj për reagimin e fortë që po…
Bashkimi Demokratik për Integrim sot mbajti mbledhjen e përgjithshme të partisë në Gostivar. Kreu i…