Kryetari i Bashkimit Demokratik për Integrim, Ali Ahmeti shoqëruar nga personalitete të rëndësishëm nga politika vendore dhe ajo e rajonit, kanë vizituar sot Muzeun e Alfabetit të Gjuhës Shqipe në Manastir.
Ahmeti përmes një postimi në faqen e tij zyrtare në Facebook shkruan se festa e 22 nëntorit, kthen në kujtimet e popullit shqiptar kontributin dhe misionin e intelektualëve të kohës, që vendosën shkronjat shqipe dhe fjalët e bukura të gjuhës shqipe që sot ne i gëzojmë.
Postimi i plotë:
Bashkë me Presidentin e Republikës së Shqipërisë, z. Bajram Begaj, ambasadorin z. Fatos Reka, kryetarin e Kuvendit, z. Talat Xhaferi, ministrin e Arsimit dhe Shkencës, z. Jeton Shaqiri dhe konsullin e nderit të Republikës së Shqipërisë, z. Imer Selmani, në vigjilje të 115 vjetorit të Kongresit të Manastirit vizituam Muzeun e Alfabetit të Gjuhës Shqipe në Manastir.
Kujtuam dhe reflektuam bashkë mbi madhështinë e atij çasti historik dhe kontributin e atyre misionarëve të kombit që shqipja jonë të ketë shkronjat e veta, me të cilat breza të shumtë të kombit kanë qëndisur rrugën e përparimit.
E pathyer ndër shekuj përballë stuhive të shumta qëndroi, e atillë do të vazhdojë të qëndrojë përjetë, gjuha jonë e bukur shqipe!
Këngëtari nga Shkupi, Lindon Berisha së bashku me artistin nga Shqipëria Luiz Ejlli kanë lanësuar…
Qeveria merr vendim kolektiv, vendimet nuk janë individuale, theksoi sot ministrja e Financave, Gordana Dimitrieska…
“Vendimet e qeverisë janë kolektive dhe jo individuale”, kështu u përgjigj sot ministrja e Financave,…
Është me interes pubik që të dihet se çfarë kuadro ka partia Besa, respektivisht për…
Bashkimi Demokratik për Integrim (BDI) shpreh shqetësimin e saj për reagimin e fortë që po…
Bashkimi Demokratik për Integrim sot mbajti mbledhjen e përgjithshme të partisë në Gostivar. Kreu i…