I bllokuar në Gaza, palestinezo-amerikani lutet për ndërhyrjen e SHBA-së

Një burrë palestinezo-amerikan, i cili ka ngecur në Gaza me gruan e tij, i ka bërë thirrje qeverisë amerikane që të ndihmojë në përfundimin e konfliktit midis Izraelit dhe Hamasit, sipas një postimi në mediat sociale nga një kongresmene amerikane.

Zakaria Alarayshi, i cili jeton në Dearborn, Michigan, po vizitonte familjen në Gaza kur shpërthyen armiqësitë. Ai i dërgoi një memo zanore dhe një mesazh me tekst nga enklava e rrethuar, ku thoshte se është në gjendje shumë të vështirë duke mos pasur ilaç, ushqim apo ujë, sipas një postimi në Instagram nga kongresmenja.

“Ne jemi të sëmurë. Nuk mund të përballojmë më. Ne duhet të shtyjmë Presidentin Joe Biden që të ndalojë këtë luftë. Kjo luftë po i vret njerëz e thjeshtë, nuk po vret Hamasin, por është duke vrarë fëmijë, pleq dhe gra, kjo nuk është e drejtë,” tha Alarayshi në mesazhin zanor.

Alarayshi dhe gruaja e tij, Laila Alarayshi, kanl mbetur të bllokuar dhe të tmerruar në Gaza, pavarësisht se u udhëzuan të shkonin në kufirin Rafah për evakuim gjashtë herë vetëm për t’u refuzuar, sipas një avokati të familjes.

Avokatët e familjes ngritën një padi më 13 tetor kundër Departamentit të Shtetit dhe Departamentit të Mbrojtjes të SHBA-së për dështimin për të evakuuar në mënyrë të sigurt qytetarët amerikanë që ndodhen aktualisht në Rripin e rrethuar të Gazës. Padia pretendon se qeveria amerikane ka shkelur detyrën e saj për të mbrojtur qytetarët e saj jashtë vendit dhe ka treguar indiferencë të qëllimshme ndaj gjendjes së tyre.

Departamenti Amerikan i Shtetit ka thënë se është në dijeni të raporteve të amerikanëve në Gaza që kërkojnë ndihmë dhe se po punon me partnerët për të lehtësuar largimin e tyre të sigurt. (politiko.makdomen.net)