Kumanovë/ Kushte të mira për kyçje në rrjetin e gazit

Kumanova është një ndër qytetet kryesore në vend në ngritjen e infrastrukturës së gazifikimit në pjesë të ndryshme të qytetit. Tashmë pjesa më e madhe e institucioneve komunale dhe shtetërore ngrohen me gaz natyrorë.

Ndërkaq viteve të fundit dukshëm është shtuar interesimi edhe tek personat fizik në rrjetin e gazifikimit, sidomos pas vendimit për subvencionim si nga Qeveria poashtu edhe nga vet administrata lokale, andaj nga Ndërmarrja Publike “KUMANOVAGAS” u bëjnë thirrje qytetarëve të cilët janë të interesuar që të kyçen në rrjetin e gazifikimit kanë afat kohorë deri më 31 tetor të këtij viti, të aplikojnë për subvencionimin që jepet nga Ministria e Ekonomisë dhe Komuna e Kumanovës.

“Qytetarët e interesuar për instalimin e rrjetit të gazifikimit, po e shfrytëzojnë masën e subvencionimit. Momentalisht kemi rreth 30 kycje të reja, presim gjithashtu edhe këto ditë deri më 31 tetor sa ka mbetur afati për aplikim për subvencionim nga ana e Qeverisë dhe komunës, që numri i aplikuesve të shkojë deri në 90 apo 100, pasi presim diku edhe mbi 60 kyçje të reja në lokacione ku kemi kryer punët ndërtimore të rrjetit për kyçje. Duke parasysh faktin e subvencionimit nga ana e Komunës dhe e Qeverisë çdo amvisërie i mbetet të parcipojë vetëm me 9.000 denarë. Andaj u bëjë apel qytetarëve që ë mos e lëshojnë këtë rast tejet të volitshëm për tu kyçur në rrjetnj e gazifikimit.”, theksoi Drejtori i NP “Kumanova Gaz”, Marko Mitrovski.

Qytetarët janë të kënaqur me masën e subvencionimit për kyçjen e gazsjellësit, që nga komuna arrinë 15 mijë denarë, kurse nga Ministria e Ekonomisë mund të arrijë deri në 25 mijë denarë, por jo më shumë se 70% e shpenzimeve të përgjithëshme.