Pendarovski: Të bashkohemi rreth qëllimit të përbashkët

Presidenti Stevo Pendarovski u ka dërguar urim qytetarëve me rastin e 23 tetorit – Ditës së Luftës Revolucionare të Maqedonisë.

“Në këtë ditë, saktësisht 130 vjet më parë, gjashtë të rinj themeluan organizatën revolucionare maqedonase, e cila arriti të bashkojë njerëzit më të guximshëm dhe më të arsimuar të kohës së tyre rreth një qëllimi të përbashkët – shteti i lirë maqedonas. Ky brez i ri dhe i avancuar arriti të forcojë besimin e popullit maqedonas se vetëm me forcat e veta mund të luftojnë për liri dhe drejtësi”, thuhet në urimin e presidentit Pendarovski.

“Edhe pse për shkak të propagandës, presioneve dhe aspiratave fqinje, lufta jonë revolucionare pati suksese dhe dështime qëllimi mbeti i njëjtë.. Kryengritja e Ilindenit i dha Republikës së Krushevës, Luftës Nacionalçlirimtare dhe Antifashiste shtetformues.

Ashtu si lufta e brezit revolucionar ishte për një shtet të lirë dhe të drejtë, edhe lufta jonë sot duhet të jetë kundër korrupsionit, nepotizmit dhe krimit që ushqejnë mosbesim, padrejtësi sociale dhe emigrim masiv të të rinjve. Ashtu si 130 vjet më parë, edhe ne duhet të kapërcejmë ndarjet tona dhe të bashkohemi rreth një qëllimi të përbashkët – një shtet ligjor demokratik dhe funksional me mundësi të barabarta për një jetë dinjitoze dhe përparim për secilin qytetar.

Gëzuar dhe të përjetshëm 23 Tetorin – Ditën e Luftës Revolucionare Maqedonase!”, thuhet në urimin e presidentit Pendarovski.