Goran Petronijeviç, avokati i Milan Radojiçiq, liderit të grupit terrorist që sulmoi policinë kosovare në Banjskë, ka thënë se kërkesat e Prishtinës për ekstradimin e klientit të tij janë irracionale dhe se ai nuk do të pranojë asnjë bashkëpunim me autoritetet kosovare.
Petronijeviç ka reaguar ndaj rezolutës së Parlamentit Evropian, e cila dënon sulmin terrorist të 24 shtatorit dhe kërkon nga Serbia që të bashkëpunojë plotësisht me hetimet dhe të shqyrtojë ekstradimin e terroristëve në Kosovë. Ai pohoi se rezoluta është e balancuar, por se disa nga kërkesat e saj janë joreale.
“Rezoluta duket e balancuar pas një kohe të gjatë… Mirëpo, disa nga kërkesat e tyre janë joreale, përfshirë edhe kërkesën për ekstradimin e Radojiçiqit…”- deklaroi ai për “Kosovo-Online”.
Ndërkaq, autoritetet kosovare kanë theksuar se do të vazhdojnë të kërkojnë drejtësi për viktimat e sulmit terrorist dhe se do të presin që Serbia të respektojë rezolutën e Parlamentit Evropian. Ata gjithashtu kanë bërë thirrje për mbështetjen e Bashkimit Evropian dhe NATO-s në hetimin dhe parandalimin e sulmeve të ardhshme. (politiko.makdomen.net)
Këngëtari nga Shkupi, Lindon Berisha së bashku me artistin nga Shqipëria Luiz Ejlli kanë lanësuar…
Qeveria merr vendim kolektiv, vendimet nuk janë individuale, theksoi sot ministrja e Financave, Gordana Dimitrieska…
“Vendimet e qeverisë janë kolektive dhe jo individuale”, kështu u përgjigj sot ministrja e Financave,…
Është me interes pubik që të dihet se çfarë kuadro ka partia Besa, respektivisht për…
Bashkimi Demokratik për Integrim (BDI) shpreh shqetësimin e saj për reagimin e fortë që po…
Bashkimi Demokratik për Integrim sot mbajti mbledhjen e përgjithshme të partisë në Gostivar. Kreu i…