Kovaçevski: Në këtë moment nuk flasim për përputhjen e datave për zgjedhje, por për termin të rregullt

Ne në këtë moment nuk flasim për përputhjen e datave, as për data konkrete, por flasim për mbajtjen e zgjedhjeve në terminin e rregullt, për çka më në fund të gjitha partitë politike u pajtuan se do të jenë në terminin e rregullt, tha kryeministri Dimitar Kovaçevski në përgjigje të pyetjes së gazetarëve për datë të pranueshme për zgjedhje, gjatë vizitës së sotme në fabrikën për produkte të mishit, “Mis Globus” në Shkup.

Ai shtoi se gjatë parashtrimit të ekspozesë si mandatar, tha se zgjedhjet do të mbahen në terminin e rregullt, në fillim presidenciale, e pastaj edhe zgjedhjet parlamentare.

“Datat konkrete varen nga zgjidhjet ligjore në sa ditë para skadimit të mandatit organizohen edhe zgjedhjet parlamentare edhe presidenciale dhe normalisht data konkrete çdoherë varet nga ajo se çka do të dakordohet dhe çka do të votohet më vonë dhe propozohet para së gjithash nga ana e kryetarit të Kuvendit. Ashtu që, ne kemi vendosur praksë, demokraci të vendosur parlamentare, ku kjo llogaritet për çështje, që janë, do të thosha, të natyrës teknike lidhur me organizimin e zgjedhjeve”, deklaroi kryeministri.

Rreth pjesëmarrjes në grupin e punës, që duhet të formohet, Kovaçevski tha se si parti janë të gatshëm dhe çdo të hëne ka koordinim te kryetari i Kuvendit, ku marrin pjesë të gjitha grupet e deputetëve dhe aty mund të dakordohen për dinamikën e bisedave, cilat do të zhvilloheshin në atë drejtim.