Rexhepi: Përfshirja e romëve në të gjitha segmentet e jetës shoqërore është një nga prioritetet për të cilat angazhohet Qeveria

Rexhepi: Përfshirja e romëve në të gjitha segmentet e jetës shoqërore është një nga prioritetet për të cilat angazhohet Qeveria. Sot, në konferencën “Finansimi i programeve te synuara për Romët” nën organizimin e Shoqatës Rajonale të Rinisë Arsmore Rome dhe Khetane koalicioni i organizatave qytetare Romë ishte pjesmarrës edhe zëvendësministri për Transport dhe Lidhje Bekim Rexhepi.

Përfshirja e romëve në të gjitha segmentet e jetës shoqërore është një nga prioritetet për të cilat angazhohet Qeveria e Republikës së Maqedonisë së Veriut. Prej aty, në Planin Strategjik 2022-2025, të Ministrisë së Transportit dhe Lidhjeve, janë përcaktuar prioritetet strategjike për romët në fushën e përmirësimit të infrastrukturës rezidenciale dhe komunale tha Rexhepi.

Në këtë drejtim, ne si ministri përkatëse japim një kontribut të veçantë për përfshirjen e popullatës rome. Sa i përket realizimit të projekteve, Ministria e Transportit dhe Lidhjeve deri më tani ka ndërmarrë aktivitete në vazhdimësi për të mbështetur zbatimin e Dekadës dhe Strategjisë për Romët, duke realizuar projekte kapitale, përkatësisht:

• një projekt nga fusha e banesave sociale
• projekte nga fusha e infrastrukturës komunale

Në kuadër të banesave sociale, përmes MТL po punohet në ndërtimin e objekteve sociale për kategoritë e rezikuara të qytetarëve dhe deri më tani janë ndërtuar 24 ndërtesa me 1104 banesa.

Po ashtu, nga buxheti i Ministrisë së Transportit dhe Lidhjeve për vitin 2023 janë ndarë 20 milionë denarë dhe të njëjtat janë paraparë për realizimin e projekteve të infrastrukturës komunale në 20 komuna të banuara kryesisht me popullatë rome theksoi Rexhepi.

Ne si Ministri e Transportit dhe Lidhjeve do të vazhdojmë të zbatojmë projektet për prioritetet strategjike të romëve në të gjitha fushat e jetës shoqërore përfundoi zëvendësministri Rexhepi.