Zbulohet rrjet i trafikimit të materialeve ushtarake për Rusinë në Ukrainë

Autoritetet bullgare kanë zbuluar dhe arrestuar një grup kriminal që merrej me trafikimin e materialeve të ndjeshme për operacionet ushtarake ruse në territorin e Ukrainës. Ky është një rrjet ndërkombëtar që përdorte një kompani fantazmë në Bullgari për të bërë furnizime të paligjshme të materialeve me përdorim të dyfishtë, që mund të përdoren si për qëllime civile ashtu edhe ushtarake.

Sipas Sekretarit të Përgjithshëm të MPB-së bullgare, Zhivko Kotsev dhe shefit të Agjencisë Kombëtare të Sigurisë (Dans) Plamen Tonçev, janë arrestuar 12 persona, pesë prej tyre shtetas të huaj, tre rusë, një shqiptar dhe një bjellorus. Ata kanë thënë se ky grup operonte në disa vende të BE-së dhe vendeve të tjera duke përfshirë Britaninë e Madhe, Serbinë, Singaporin, Emiratet e Bashkuara Arabe.

Materialet e trafikuara nuk ishin të destinuara për ushtrinë e rregullt ruse, por për forcat speciale që luftojnë në Ukrainë për llogari të Federatës Ruse si kompania private ushtarake Wagner, “Ahmad” dhe grupe të tjera. Kjo është një shkelje e rregullave ndërkombëtare për kontrollin e eksportit të armatimeve dhe materialeve strategjike.

Ky është një goditje e rëndësishme për sigurinë rajonale dhe kombetare, pasi parandalon furnizimin e paligjshme të armatimeve dhe materialeve që mund të përdoren për veprime agresive dhe destabilizuese nga ana e Rusisë në Ukrainë. Ky është edhe një rezultat i bashkëpunimit efektiv midis institucioneve bullgare dhe partneriteteve ndërkombeatre. (politiko.makdomen.net)