Bullgaria do t’i publikojë emrat e maqedonasve me pasaportë bullgare në 22 vitet e fundit

Deputetët në Parlamentin e Bullgarisë në lexim të parë miratuan ndryshimet në Ligjin për shtetësi bullgare, me të cilat do të bëhet publik regjistri i personave që kanë pasaportë bullgare.

Eurodeputeti bullgar Andrej Kovaçev, që njihet për qëndrimet anti-maqedonase, në profilin e tij në Facebook e ka përshëndetur këtë vendim të deputetëve bullgarë, përcjell Telegrafi Maqedoni.

“Ceremonia për objektet e shtetësisë bullgare do të jetë solemne dhe publike. Regjistri i përfituesve të shtetësisë bullgare bëhet publik. Me ndryshimin e fundit do të bëhen të njohur publikisht të gjithë qytetarët tanë nga Republika e Maqedonisë së Veriut, të cilët kanë marrë nënshtetësinë bullgare në 22 vitet e fundit në bazë të origjinës së tyre bullgare dhe deklaratave të vetëdijes bullgare”.

“Kështu, këta 120.000 bullgarë maqedonas, duke përfshirë shumë politikanë aktualë dhe aktivë, deputetë, ministra, kryetarë komunash, kryetarë departamentesh, kryetarë partish, pronarë mediash dhe televizionesh, gazetarë, komentues dhe familjet e tyre do të mbrohen publikisht nga diskriminim i institucioneve maqedonase për shkak të asaj që ndjejnë bullgarët. Pra ata që “detyrohen” të shndërrohen në bullgarë publikë vetëm për të fshehur origjinën dhe vetëdijen e tyre bullgare, nuk kanë pse ta bëjnë këtë. Pres, pas leximit të parë, miratim të amendamenteve të ligut”, ka shkruar Kovaçev.

Ndryshe, me ndryshimet e propozuara, njohja e gjuhës bullgare do të jetë e detyrueshme për marrjen e nënshtetësisë bullgare. Kur aplikoni për shtetësi bullgare në bazë të origjinës bullgare, do të hiqet kërkesa që një paraardhës i aplikantit të ketë vdekur si shtetas bullgar.

Personi do të duhet të ketë precedentë të pastër penalë, jo vetëm në Republikën e Bullgarisë, por edhe në vendin e origjinës, pra në vendin e banimit./Telegrafi/