Emisari i Bashkimit Evropian për dialogun Kosovë-Serbi, Miroslav Lajçak, ka thënë se BE-ja dhe Shtetet e Bashkuara të Amerikës kanë të njëjtin qëndrim për situatën në Ballkanin Perëndimor dhe janë në një vijë për të ardhmen përpara.
Lajçaku ka dhënë këtë koment pas takimit që ka pasur me këshilltarin e lartë të Departamentit Amerikan të Shtetit, Derek Chollet, dhe emisarin e SHBA-së për Ballkanin, Gabriel Escobar.
“Darkë mes miqsh në New York me këshilltarin e DASH-it, Derek Chollet, dhe emisarin Escobar. Gjithmonë e dobishme të rikonfirmojmë se ndajmë të njëjtin lexim të situatës në Ballkanin Perëndimor dhe jemi në një linjë për rrugën përpara”, ka shkruar Lajçaku në Twitter.
Më 14 shtator, Kosova dhe Serbia patën takimin e fundit në kuadër të dialogut. Nuk pati asnjë rezultat nga takimi i ndërmjetësuar prej Lajçakut dhe përfaqësuesit të lartë të BE-së, Josep Borrell. Kryeministri Albin Kurti ka propozuar një udhërrëfyes për zbatimin e marrëveshjeve të arritura më herët, ndërsa është ankuar se Serbia dhe ndërmjetësit kanë insistuar vetëm në formimin e Asociacionit të komunave me shumicë serbe. Të hënën, ai ka akuzuar Lajçakun se po mban anë. Ndërsa nga Bashkimi Evropian kanë thënë se kanë propozuar “një marrëveshje kompromisi, duke shtuar se kjo është refuzuar nga Kurti e është pranuar nga presidenti i Serbisë, Aleksandar Vuçiq”.
Këngëtari nga Shkupi, Lindon Berisha së bashku me artistin nga Shqipëria Luiz Ejlli kanë lanësuar…
Qeveria merr vendim kolektiv, vendimet nuk janë individuale, theksoi sot ministrja e Financave, Gordana Dimitrieska…
“Vendimet e qeverisë janë kolektive dhe jo individuale”, kështu u përgjigj sot ministrja e Financave,…
Është me interes pubik që të dihet se çfarë kuadro ka partia Besa, respektivisht për…
Bashkimi Demokratik për Integrim (BDI) shpreh shqetësimin e saj për reagimin e fortë që po…
Bashkimi Demokratik për Integrim sot mbajti mbledhjen e përgjithshme të partisë në Gostivar. Kreu i…