Këshilltari i opozitës në Kuvendin e Topoles në Serbi, D. M. (53), ka spërkatur benzinë mbi vete dhe i ka vënë flakën vetes para komisariatit mbrëmë vonë.
Ai u ndihmua shpejt dhe mbijetoi, megjithatë, në gjendje të rëndë shëndetësore me djegie të rrezikshme për jetën, transmeton Telegrafi.
Dje është mbajtur seanca e kuvendit komunal dhe në orët e vona të mbrëmjes, ky këshilltar ka dalë para stacionit policor ku i ka vënë flakën vetes.
Dyshohet se fillimisht ka qëndruar aty pranë për disa orë dhe më pas ka vendosur për këtë akt.
Oficerët e policisë i kanë ardhur në ndihmë duke ia shuar zjarrin. Ekipet e emergjencës kanë mbërritur menjëherë në vendin e ngjarjes dhe kanë transportuar burrin me djegie të rënda në Qendrën Klinike në Kragujevc.
Një polic gjithashtu ka lënduar lehtë krahun teksa po përpiqej të shpëtonte burrin që digjej.
Pacienti është mbajtur për trajtim në Qendrën Klinike në Kragujevc, ku ndodhet në repartin e kujdesit intensiv.
Për rastin është njoftuar edhe Prokuroria Themelore në Arangjelovac, ndërsa policia zyrtarisht nuk ka bërë të ditur nëse e dinë shkakun e vetëdjegjes së këshilltarit 53-vjeçar. /Telegrafi/
Këngëtari nga Shkupi, Lindon Berisha së bashku me artistin nga Shqipëria Luiz Ejlli kanë lanësuar…
Qeveria merr vendim kolektiv, vendimet nuk janë individuale, theksoi sot ministrja e Financave, Gordana Dimitrieska…
“Vendimet e qeverisë janë kolektive dhe jo individuale”, kështu u përgjigj sot ministrja e Financave,…
Është me interes pubik që të dihet se çfarë kuadro ka partia Besa, respektivisht për…
Bashkimi Demokratik për Integrim (BDI) shpreh shqetësimin e saj për reagimin e fortë që po…
Bashkimi Demokratik për Integrim sot mbajti mbledhjen e përgjithshme të partisë në Gostivar. Kreu i…