Zëvendëskryeministri i parë, Artan Grubi sot nën shoqërinë e ministrit të Transportit dhe Lidhjeve, Bllagoj Boçvarski, zëvendësministrit Bekim Rexhepi dhe drejtorit të Ndërmarrjes Publike “Rrugët Shtetërore” Ejup Rustemi mbikqyrëm nga afër rrjedhën e punimeve në autostardën Shkup-Tetovë si dhe rehabilitimin e një rruge drejt Kodrës së Diellit.
Grubi përmes një postimi në rrjetin social Facebook, shkruan se punimet për projektet e planifikuara infrastrukturore po ecin sipas planit dhe dinamikës së duhur, drejt përmirësimit të kushteve, investimeve të reja dhe mirëmbajtjes së rrugëve ekzistuese.
Statusi i plotë:
Po punohet intenzivisht në çdo cep të vendit për përmirësimin e infrastrukturës rrugore.
Bashkë me ministrin e Transportit dhe Lidhjeve, Bllagoj Boçvarski, zëvendësministrin Bekim Rexhepi dhe drejtorin e Ndërmarrjes Publike “Rrugët Shtetërore” Ejup Rustemi mbikqyrëm nga afër rrjedhën e punimeve për:
vendosjen e barrierave të zërit në autostradën Shkup-Tetovë
ndërtimin e pjesës së Korridorit 8, autostradës Shkup – Tetovë dhe
rehabilitimin e rrugës drejt Kodrës së Diellit.
Siguruam 7.5 milionë euro përmes Ndërmarrjes “Rrugët Shtetërore” për rehabilitimin e 13 kilometrave të autostradës Shkup-Tetovë, në atë pjesë ku ishte shumë e dëmtuar.
Korridori 8 po ndërtohet sipas dinamikës së paraparë dhe sipas të gjitha detajeve të kontratës historike të lidhur me konzorciumin Bechtel & Enka.
Për rekonstruimin e rrugës regjionale që lidh komunën e Tetovës me komunat e Bogovinës dhe të Gostivarit kemi siguruar mjete në vlerë prej 15 milionë denarë për rehabilitimin e 600 metrave të rrugës që lidh bulevardin Ilinden deri në rrugën me Kodrën e Diellit.
Do të vazhdojmë syçelë të përcjellim ecurinë e realizimit të projektit më të madh infrastrukturor në historinë e vendit, rregullimit dhe mirëmbajtjes së rrjetit të autostradave në mbarë vendin.
Këngëtari nga Shkupi, Lindon Berisha së bashku me artistin nga Shqipëria Luiz Ejlli kanë lanësuar…
Qeveria merr vendim kolektiv, vendimet nuk janë individuale, theksoi sot ministrja e Financave, Gordana Dimitrieska…
“Vendimet e qeverisë janë kolektive dhe jo individuale”, kështu u përgjigj sot ministrja e Financave,…
Është me interes pubik që të dihet se çfarë kuadro ka partia Besa, respektivisht për…
Bashkimi Demokratik për Integrim (BDI) shpreh shqetësimin e saj për reagimin e fortë që po…
Bashkimi Demokratik për Integrim sot mbajti mbledhjen e përgjithshme të partisë në Gostivar. Kreu i…