Bauer: Maqedonia e Veriut për tre vjet ka arritur nivel mbresëlënës të integrimit ushtarak në NATO

Që nga anëtarësimi në NATO, Maqedonia e Veriut ka ndërmarrë hapa të rëndësishëm për zbatimin e reformave të mbrojtjes.

Maqedonia e Veriut për tre vjet ka arritur një nivel mbresëlënës të integrimit ushtarak në NATO, tha në konferencën e sotme për shtyp kryetari i Komitetit Ushtarak të NATO-s, admirali Rob Bauer, i cili është për vizitë në vendin tonë.

Admirali Bauer në konferencën e përbashkët për shtyp me ministren e Mbrojtjes Slavjanka Petrovska dhe shefin e Shtatmadhorisë, gjeneral nën-kolonelin Vasko Gjurçinovski theksoi se përveç kontributeve që vendi ynë i jep Aleancës, si mbështetja për grupet luftarake. në Bullgari, Letoni dhe Rumani dhe Kosovë, trupat e Maqedonisë së Veriut po shërbejnë nën flamurin e NATO-s në një mision paqeruajtës.

“Ju gjithashtu kontribuoni edhe në forcat e reagimit të NATO-s që garantojnë sigurinë dhe mbrojtjen e të gjithë aleatëve. Që nga anëtarësimi në NATO, Maqedonia e Veriut ka ndërmarrë hapa të rëndësishëm për zbatimin e reformave të saj të mbrojtjes. Për tre vjet, ju keni arritur një nivel mbresëlënës të integrimit ushtarak në NATO duke përshtatur strukturat dhe forcat tuaja me nevojat dhe kërkesat e NATO-s dhe duke rritur papërshkueshmërinë tuaj”, tha Bauer.

Petrovska kujtoi në konferencën për shtyp se Maqedonia e Veriut, së bashku me aleatët e saj në Vilnius, ripohoi vendosmërinë e saj për të investuar së paku 2 për qind të bruto produktit të brendshëm në mbrojtje dhe kjo, siç tha ajo, është realizuar plotësisht.

“Maqedonia e Veriut është një shtyllë e sigurisë rajonale. Ne do të vazhdojmë të kontribuojmë me forcat tona në misionin e NATO-s në Kosovë, sepse jemi të bindur se siguria dhe stabiliteti rajonal duhet të jenë para së gjithash. Vetëm në këtë mënyrë mund të krijojmë një rajon që është i begatë dhe që do të vazhdojë të jetojë në paqe dhe demokraci”, tha Petrovska.

Shefi i Shtatmadhorisë, nënkoloneli Vasko Gjurçinovski në konferencën për shtyp tha se e njoftoi admiralin për proceset aktuale të Forcave të Armatosura, si dhe për reformat dhe transformimin e Armatës sonë, operacionet që i organizuam në vend, por edhe operacionet ushtarake të NATO-s.