Naumov për Indeks: Ndryshimet kushtetuese duhet të votohen, përndryshe ne do të presim për katër vitet e ardhshme ose edhe më shumë…

Kryeministri i vendit Dimitar Kovaçevski disa ditë më parë paralajmëroi dorëheqjen në rast të votimit të ndryshimeve kushtetuese.

Këtë akt e kishin paralajmëruar edhe partitë e tjera, si Bashkimi Demokratik për Integrim dhe Aleanca për Shqiptarët. Analistët politikt në lidhje me dorëheqjen e Kovaçevskit u shprehën se ky paralajmërim ka ardhur si pasojë e rrethanave politike që po zhvillohen në vend për momentin, dhe si pasojë e nxitjes së VMRO DPMNE-së për votimin e ndryshimeve kushtetuese.

Gazetari dhe njohësi i çështjeve politike të vendit Stole Naumov, ekskluzivisht për Indeks.mk, në lidhje me dorëheqjen e e kryeministrit të vendit, u shpreh se ka qenë një vendim i duhur si dhe ju bën thirrje të gjitha partive politike të bien në konsenzus për ndryshimet kushtetuese. Sipas tij në Mickovski vazhdon që ta shtrëngojë narativën dhe të mos u lëshojë rrugë ndryshimeve kushtetuese

“Mund të duket se nuk ka më alibi, por Mickovskit nuk i duhet arsye, ai ka shtyrë fushatën zgjedhore për Bullgarinë, identitetin, apokalipsin, fshirjen dhe zhdukjen e Maqedonisë dhe maqedonasve, shqiptarizimin për nje kohë të gjate. Dhe në vend që të zbutet pas çdo oferte, narrativa shtrëngohet, tensioni mbahet përgjithmonë, me përfitimin e politikanëve bullgarë dhe shqiptarë nga Maqedonia dhe vendet fqinje. Duket se nuk ka oferta që mund ta bindin atë, madje edhe nëse Macron dhe Biden bëhen bashkë, ai nuk do të lëvizë. Është e drejtë dhe e arsyeshme që qytetarët të kërkojnë nga Mickoski dhe të gjithë liderët e tjerë që janë fillimisht për zgjedhje, e më pas për amendamente kushtetuese, ofertë të qartë dhe garanci se së shpejti do të fillojmë negociatat me BE-në, ashtu siç e kërkojnë me vendosmëri, garancitë e pakundërshtueshme nga BE se Sofja nuk do të bllokojë. Unë do të doja që zgjedhjet të zgjojnë një konsensus pasi të gjithë të bien dakord dhe të votojnë ndryshimet në Kushtetutë dhe shpresoj që Uashingtoni të ketë një as të fortë në mëngë për bindje dhe bashkim, përndryshe ne do të presim për katër vitet e ardhshme ose edhe më shumë”, deklaroi Naumov.

Paraprakisht për këtë çështje folën edhe analistët politik Rizvan Sulejmani dhe Sefer Tahiri.

Sulejmani u shpreh se kryeminstri Kovaçevski doli me një qëndrim shumë të guximshëm, ku ofroi dy opsione të mundëshme pët të dalë nga situata njëra ishte që ai të japë dorëheqje menjëher pas votimit të ndryshimeve kushtetuese, me të cilën sipas Sulejmanit bën pretendime që ta demaskojë të gjithë krupsullin e VMRO-DPMNE-së.

Nga tjetër Tahiri u shpreh se dorëheqja e Kovaçevskit nuk është një dorëheqje e cila mund të cilësohet si fakt i kryesr, por një dorëheqje e imponuar nga rrethanat politike të vendit për momentit.