Tamara Ramos, Drejtore e Përgjithshme e Sindikatës “Futbolistas ON”, e akuzon drejtuesin e lartë të futbollit spanjoll për fyerjet që i kishte bërë kur punonin së bashku në Shoqatën e Futbollistëve Spanjollë. “Kam vuajtur poshtërim, ka qenë i egër. Nuk më habit aspak sepse e njoh prej shumë vitesh dhe kam vuajtur prej sjelljeve të tij, që çuditërisht guxon dhe i bën në publik”, është shprehur Tamara Ramos në intervistë të dhënë dje për mediat spanjolle.
Ajo ka zbuluar komentet e turpshme të Rubialesit në sy të yjeve të futbollit si Kasijas apo Pike. “Eja, ke ardhur të vrasësh gjunjët?! Çfarë ngjyre i ke veshur të brendshmet sot?”, ishin akuzat e Tamara Ramosit, e cila u shpreh se tani e kanë më të lehtë që të më besojnë, duke denoncuar maskilizmin në botën e futbollit.
Por nuk është vetëm presidenti Luis Rubiales ai që ka përfunduar në qendër të polemikeve, pasi tashmë në syrin e ciklonit ndodhet edhe trajneri Jorge Vilda. Së fundmi, në rrjetet sociale po qarkullon një video e teknikut spanjoll të kombëtares së femrave, teksa shihet duke kapur nga gjoksi asistenten e tij, Montserrat Tome, gjatë festimeve. Një tjetër gjest që po ndez polemika të forta në Spanjë, që vijnë në momentin më kulmor për futbollin e femrave, i cili po regjistron një progres të jashtëzakonshëm, të kurorëzuar tashmë me triumfin historik, siç ishte suksesi në Kampionati Botëror 2023, event që u mbajt në Australi dhe Zelandë të Re.
Këngëtari nga Shkupi, Lindon Berisha së bashku me artistin nga Shqipëria Luiz Ejlli kanë lanësuar…
Qeveria merr vendim kolektiv, vendimet nuk janë individuale, theksoi sot ministrja e Financave, Gordana Dimitrieska…
“Vendimet e qeverisë janë kolektive dhe jo individuale”, kështu u përgjigj sot ministrja e Financave,…
Është me interes pubik që të dihet se çfarë kuadro ka partia Besa, respektivisht për…
Bashkimi Demokratik për Integrim (BDI) shpreh shqetësimin e saj për reagimin e fortë që po…
Bashkimi Demokratik për Integrim sot mbajti mbledhjen e përgjithshme të partisë në Gostivar. Kreu i…