“MBËSHTETJE PËR ADERIM TË SHPEJTË TË RMV-së NË BE”
Inkurajojmë qeveritë e Maqedonisë së Veriut dhe Bullgarisë që të vazhdojnë dialogun dypalësh për zgjidhjen e dallimeve – ka deklaruar për “Zërin e Amerikës” në gjuhën maqedone zëdhënësi i Departamentit Amerikan të Shtetit, i pyetur nëse SHBA-të kanë marrë ndonjë garancë nga partnerët bullgar se pasi të miratohen ndryshimet kushtetuese, nuk do të ketë veto të re për eurointegrimet e Maqedonisë së Veriut, njofton KlanM.
Përfaqësuesi i posaçëm për Ballkanin Perëndimor, Gabriel Eskobar, në debatin për rajonin në Kongresin amerikan muajin e kaluar, theksoi se SHBA-të janë të angazhuar me qeverinë e re bullgare që të sigurohen se nuk do të ketë kërkesa të reja pasi Shkupi t`i realizojë obligimet e marrëveshjeve ekzistuese.
“SHBA-të fuqishëm mbështesin integrimin e plotë të RMV-së në BE. Bashkimi Evropian që kyç gjithë Ballkanin Perëndimor, duke llogaritur edhe RMV-në, do të jetë më i fuqishëm dhe më prosperuese. Inkurajojmë qeveritë e RMV-së dhe Bullgarisë të vazhdojnë me dialogun e tyre dypalësh për zgjidhjen e dallimeve, duke realizuar marrëveshjet paraprake dhe mbështetje për aderim të shpejtë të RMV-së” – thonë nga DASH.
Seanca parlamentare për fazën e parë të ndryshimeve kushtetuese, respektivisht nevoja për ndryshime të Kushtetutës, sic percjell KlanM, është caktuar për 18 gusht.
Për momentin nuk ka një konsensus midis qeverisë dhe opozitës për ndryshimet kushtetuese, ku Bullgarët do të hynin në Kushtetutë si kusht për hapjen e kapitujve negociues.
Në muajin maj, gjatë një interviste për Zërin e Amerikës, Gabriel Eskobar, sic percjell KlanM, kishte deklaruar se duke mbështetur ndryshimet kushtetuese opozita mbështet rrugën euroatlantike të Maqedonisë së Veriut, e jo Kryeministrin.
Presidenti bullgar, Rumen Radev, nga ana tjetër, ka deklaruar se futja e Bullgarëve në Kushtetutë është vetëm një kusht preliminar për nisjen e negociatave për anëtarësim dhe se nuk përjashtohen kushtet tjera që duhet të realizohen nga Maqedonia e Veriut. /KlanMacedonia/
Këngëtari nga Shkupi, Lindon Berisha së bashku me artistin nga Shqipëria Luiz Ejlli kanë lanësuar…
Qeveria merr vendim kolektiv, vendimet nuk janë individuale, theksoi sot ministrja e Financave, Gordana Dimitrieska…
“Vendimet e qeverisë janë kolektive dhe jo individuale”, kështu u përgjigj sot ministrja e Financave,…
Është me interes pubik që të dihet se çfarë kuadro ka partia Besa, respektivisht për…
Bashkimi Demokratik për Integrim (BDI) shpreh shqetësimin e saj për reagimin e fortë që po…
Bashkimi Demokratik për Integrim sot mbajti mbledhjen e përgjithshme të partisë në Gostivar. Kreu i…