Categories: RAJON

Për Kurban Bajram, myslimanët ia dhurojnë familjes katolike një shtëpi të re në një fshat të Gjakovës

Në festën e Kurban Bajramit një imam në Kosovë i ka dhuruar një familje katolike në nevojë një shtëpi të re, shkruan agjencia AP.

Prenk Nreca 41-vjeçar, jetonte në shtëpinë në Pjetërshan me pesë fëmijë të moshave nga 6 deri 11 vjet.

Fshati është në afërsi të Gjakovës dhe rreth 80 kilometra nga Prishtina.

Nreca përkujdeset i vetëm për fëmijët.

Në Krishtlindjen e fundit, imami Abdurrahman Bejtullahu pa nëpër lajme kushtet e rënda në të cilat jetonte familja Nreca, dhe kështu vendosi të mblidhte fonde për t’ia ndërtuar familjes një shtëpi të re.

Nreca është i papunë dhe kryesisht bazohet në punë sporadike apo në bamirësi të njerëzve.

Gjatë festës së Kurban Bajramit, myslimanët prenë kurbane dhe ndajnë mishin me të varfrit, apo në përgjithësi dhurojnë mishin për bamirësi.

Bejtullahu thotë se kur dikush është në nevojë, atëherë feja nuk është ndonjë gjë shqetësuese.

Nreca ka thënë se imami e ndihmoi atë vitin e kaluar gjatë një dimri të vështirë, duke ia paguar për gjashtë muaj një apartament në qytet.

Moti ka penguar ndërtimin e shtëpisë së tij të re, thotë Nreca, ndërsa tregon shtëpinë dydhomëshe, që është pranë përfundimit.

“Është gati e përfunduar. Dua ta falënderoj imamin”, thotë Nreca.

“Zoti deshi që të vinte Kurban Bajrami për t’ua bërë befasinë”, thotë Bejtullahu, duke shtuar se së shpejti do t’ia dorëzojë çelësat familjes.

Një organizatë jo-qeveritare myslimane mblodhi afro 25 mijë euro nga familjet myslimane, bizneset lokale dhe nga diaspora. Një kompani që merret me ndërtime, vendosi të punonte falas. Ndërkohë komuna përkrah organizatën me nga 5000 euro për çdo shtëpi që ndërton për të varfrit.

Politiko

Recent Posts

Hiti i pavdekshëm i Agron Berishës, “Ëndërr” risillet nga Luiz Ejlli e Lindon Berisha

Këngëtari nga Shkupi, Lindon Berisha së bashku me artistin nga Shqipëria Luiz Ejlli kanë lanësuar…

1 year ago

Nëse është drejtësi, le të jetë për të gjithë! A do të mbajnë përgjegjësi Mickoski dhe Qeveria ashtu si Grubi dhe Kovaçevski?

Qeveria merr vendim kolektiv, vendimet nuk janë individuale, theksoi sot ministrja e Financave, Gordana Dimitrieska…

1 year ago

Hakmarrjet politike po shkatërrojnë drejtësinë!

“Vendimet e qeverisë janë kolektive dhe jo individuale”, kështu u përgjigj sot ministrja e Financave,…

1 year ago

FOTO/ Këngëtari Jetmir Rexhepi- “kandidati i preferuar i Bilall Kasamit për drejtori të ansamblit” ishte i arrestuar për drogë në vitin 2023

Është me interes pubik që të dihet se çfarë kuadro ka partia Besa, respektivisht për…

2 years ago

BDI dënon krimin urban dhe oligarkinë në komuna dhe kërkon Veting Ndërkombëtar

Bashkimi Demokratik për Integrim (BDI) shpreh shqetësimin e saj për reagimin e fortë që po…

2 years ago

Ali Ahmeti: Deshën ta varrosin BDI-në, por nuk ia dolën, jemi fitimtarë!

Bashkimi Demokratik për Integrim sot mbajti mbledhjen e përgjithshme të partisë në Gostivar. Kreu i…

2 years ago