Ministrja e Mbrojtjes, Sllavjanka Petrovska sonte në lidhje me amendamentet kushtetuese tha se për të zhvilluar çdo negociatë, të dyja palët, LSDM dhe VMRO-DPMNE duhet të kenë qëndrime të përcaktuara qartë. Qëndrimi i LSDM-së, thekson Petrovska, që nga fillimi ka qenë i qartë dhe i pandryshuar, gjë që nuk mund të thuhet për VMRO-DPMNE-në.
Sipas Ministres, nuk ka asgjë të diskutueshme në ndryshimet kushtetuese dhe duhet shprehur guxim politik për zbatimin e tyre.
Petrovska për “Sitel” tha se çështje të tilla politike nuk guxojnë të përdoren si pjesë e parazgjedhore, sa herë që të ndodhë, e as të jenë pjesë e fushatës zgjedhore.
“Qëndrimi i LSDM-së është i qartë dhe i pandryshuar që nga dita e parë. Ne jemi të gatshëm për ndryshimet kushtetuese që do të nënkuptojnë vazhdimin e rrugës drejt BE-së, por fatkeqësisht nuk mund të themi të njëjtën gjë për VMRO-DPMNE-në.
Nëse për VMRO-DPMNE-në kjo është e papranueshme, që bullgarët të jenë pjesë e Kushtetutës, atëherë kam frikë se pajtohen me fjalinë se ne jemi një popull në dy shtete”, tha Petrovska.
E kaluara nuk na kujton, shtoi ajo, se VMRO-DPMNE ka guxim, kur është në opozitë ose para zgjedhjeve, ndërsa kur vjen në pushtet, ky guxim papritur zhduket./Telegrafi/
Këngëtari nga Shkupi, Lindon Berisha së bashku me artistin nga Shqipëria Luiz Ejlli kanë lanësuar…
Qeveria merr vendim kolektiv, vendimet nuk janë individuale, theksoi sot ministrja e Financave, Gordana Dimitrieska…
“Vendimet e qeverisë janë kolektive dhe jo individuale”, kështu u përgjigj sot ministrja e Financave,…
Është me interes pubik që të dihet se çfarë kuadro ka partia Besa, respektivisht për…
Bashkimi Demokratik për Integrim (BDI) shpreh shqetësimin e saj për reagimin e fortë që po…
Bashkimi Demokratik për Integrim sot mbajti mbledhjen e përgjithshme të partisë në Gostivar. Kreu i…