Armata ukrainase përgënjeshtron se e ka filluar kundërofensivin e paralajmëruar

Armata ukrainase sot ka përgënjeshtruar lajmin e publikuar nga En-Bi-si njuz se ka filluar kundërofensivë kundër forcave ruse.

“Nuk keemi informacione të tilla. Dhe ne nuk komentojmë burime anonime”, tha për mediat britanike zëdhënësi i Shtabit të Përgjithshëm të Forcave të Armatosura të Ukrainës.

Paraprakisht, En-Bi-si njuz , duke cituar një oficer dhe ushtar të lartë anonim në afërsi të vijave të frontit, raportoi se ushtria ukrainase e ka filluar kundërofensivën e shumëpritur.

Pas disa muajsh përparim në fushatën ushtarake ukrainase, e cila mund të jetë vendimtare në qëllimet e Kievit për ta kthejë territorin e pushtuar, një valë e re sulmesh synon vijat e frontit juglindor, raportoi En-Bi-si njuz .

Qeveria ukrainase ka thënë deri më tani se nuk do të ketë paralajmërim publik për fillimin e ofensivës, ndërsa zëdhënësi i armatës ukrainase nuk pranoi t’i komentojë operacionet ushtarake në vazhdim.