Forcat ruse kanë qëlluar mbi shpëtimtarët ukrainas duke u përpjekur të arrijnë zonat e përmbytura në rajonin Kherson që janë nën kontrollin rus, tha të mërkurën presidenti ukrainas Volodymyr Zelensky.
Ekipet e shpëtimit po përpiqen të evakuojnë mijëra njerëz në zonën e përmbytjeve pas shembjes së digës, shkruan CNN, transmeton Klan Kosova.
Zelensky i bëri komentet në një intervistë ekskluzive me mediumin gjerman Bild.
“Njerëz, kafshë kanë ngordhur. Nga çatitë e shtëpive të përmbytura, njerëzit shohin njerëz të mbytur duke notuar pranë. Ju mund ta shihni atë në anën tjetër. Është shumë e vështirë të largohen njerëzit nga pjesa e pushtuar e rajonit Kherson”, tha Zelensky.
“Kur forcat tona përpiqen t’i nxjerrin ata [banorët], ata qëllohen nga pushtuesit nga distanca,” tha Zelensky për Bild.
“Sapo ndihmësit tanë përpiqen t’i shpëtojnë, ata qëllohen me armë. Ne nuk do të jemi në gjendje t’i shohim të gjitha pasojat deri në disa ditë nga tani, kur uji të ketë rrjedhur pak.
Të mërkurën, një vullnetar që merr pjesë në përpjekjet e shpëtimit në Kherson i tha CNN se vullnetarët përballen me granatimet ruse në pothuajse çdo fluturim.
Këngëtari nga Shkupi, Lindon Berisha së bashku me artistin nga Shqipëria Luiz Ejlli kanë lanësuar…
Qeveria merr vendim kolektiv, vendimet nuk janë individuale, theksoi sot ministrja e Financave, Gordana Dimitrieska…
“Vendimet e qeverisë janë kolektive dhe jo individuale”, kështu u përgjigj sot ministrja e Financave,…
Është me interes pubik që të dihet se çfarë kuadro ka partia Besa, respektivisht për…
Bashkimi Demokratik për Integrim (BDI) shpreh shqetësimin e saj për reagimin e fortë që po…
Bashkimi Demokratik për Integrim sot mbajti mbledhjen e përgjithshme të partisë në Gostivar. Kreu i…