Rita Ora tregon elasticitetin e saj në ushtrime fizike, duke ndarë me ndjekësit video nga rutina e saj e përditshme

Rita Ora tregoi figurën e saj të pabesueshme trupore të mërkurën, teksa dha një pasqyrë të regjimit të saj intensiv të stërvitjes ndërsa kalonte kohë në Sydney.

Këngëtarja 32 vjeçe, u lajmërua në Instagram duke ndarë me ndjekësit e saj një sërë fotografish mbresëlënëse nga sesioni i saj i ushtrimeve të ‘Pilates’, duke treguar veten duke ngritur pesha dhe duke bërë zgjatje muskujsh.

Ajo ndau një sërë këndvështrimesh të ndryshme të punës së saj të vështirë në palestër me veshje elastike, teksa pranoi se po ushtrohej në albumin e saj të ri, shkruan DailyMail.

Në një vështrim, Rita tregoi barkun e saj të tonifikuar me një bluzë të zezë dhe dollakë të hirtë, të cilat i veshi me çorape të zeza.

Ajo i stiloi flokët e saj të arta të lidhura në një bisht dhe nxori në pah muskujt e saj teksa ngrinte pesha të rënda.Rita nuk mund të shmangte një buzëqeshje ndërsa provoi dorën e saj në pozicionin e pazakontë, me gjunjët dhe krahët e drejtuar nga jashtë.

Në një tjetër fotografi, Rita tregoi edhe një herë figurën e saj të lakmueshme trupore dhe aftësitë mbresëlënëse teksa i shtyu këmbët në qiell.

Këtë herë, ajo e ndërroi veshjen e saj, duke veshur një palë sytjena sportive të zeza dhe u djersit teksa provonte pozicionin sfidues.

Në dukje e lodhur nga fundi i stërvitjes së saj intensive, Rita u angazhua në disa aktivitete më pak të vështira, duke përfshirë shtrirjen me top.

Rita shkroi në mbishkrimin e këtyre fotografive: “Vendosa të përdor atë që dua me gjëra të tjera që dua – prandaj tingulli është i fikur, unë po dëgjoja albumin tim të ri gjatë stërvitjes!”.
Interpretuesja e hitit “Poison” i forcoi tiparet e saj mahnitëse me një buzëkuq rozë me shkëlqim.Edhe pse aktualisht po shijon pak kohë në Sydney, ajo nuk ka hequr dorë nga rutina intensive e palestrës.

Në prill, ajo tregoi pozat e saj në disa video të hedhura në Instagram, duke përfshirë ndarjet në ajër me këmbët e saj në stërvitje.Rita po kalon kohë në Australi me bashkëshortin e saj Taika Waititi, me të cilin u martua gjatë verës.

Rita tregoi se nuk donte ndonjë ‘vëmendje të veçantë’ atë ditë dhe donte ta mbante ceremoninë shumë private.
Ajo tha për revistën Glamour: “Disa femrave u pëlqen të ndiejnë atë vëmendje të vërtetë të veçantë atë ditë. Dhe të gjithë janë të ndryshëm. Dhe për mua – mendoj se me punën time, është e gjitha… është shumë e drejtuar nga vëmendja – doja ta mbaja private ceremoninë e martesës sepse jeta ime dhe karriera ime nuk janë të tilla”.

Ceremonia e minutës së fundit ishte planifikuar për vetëm dy ditë dhe të ftuarit e vetëm që morën pjesë personalisht ishin dy vajzat e Taikas, Te dhe Matewa nga martesa e tij e parë dhe motra e Ritës, Elena.

Pas shumë spekulimeve, ylli konfirmoi në janar se ajo dhe regjisori Taika kishin kurorëzuar dashurinë e tyre me martesë.

Duke folur në Heart Radio Breakfast në atë kohë, shqiptarja tha: “Po [jam e martuar]. Unë jam zyrtarisht jashtë tregut të beqarëve”.

“Zgjodha ta mbaja më private dhe ta mbaja më shumë për vete, por me klipin tim të ri [You Only Love Me] po luaj në atë që mund të ishte [dasma ime]”.