Milani thuhet se po përgatitet t’i ofrojë portierit Majk Manjan një zgjatje afatgjatë të kontratës, pasi bëri përshtypje mes shtyllave për kuqezinjtë që nga ardhja e tij nga Lille në vitin 2021. Manjan ishte vendimtar në sezonin 2021/22 të Milanit ku fituan Skudetton nën drejtimin e Stefano Piolit dhe pavarësisht se humbi një pjesë të madhe të sezonit aktual për shkak të dëmtimit, ka dëshmuar vlerën e tij për ekipin që nga rikthimi i tij në muajin shkurt.
Që atëherë, 27-vjeçari ka qenë jashtëzakonisht konsistent dhe me një vlerësim mesatar prej 6.35 në 21 ndeshjet e Serie A që ka luajtur në këtë sezon, ka qenë lojtari më i vlerësuar te Milani, i ndjekur nga Sandro Tonali dhe Ismael Bennacer. Sipas “La Gazzetta dello Sport”, “kuqezinjtë” shpresojnë ta shpërblejnë francezin me një marrëveshje të re që zgjat deri në verën e vitit 2028, e cila do të ishte kontrata më e gjatë në klub.
Marrëveshja e re e Manjanit do të vijë gjithashtu me një rritje të madhe në pagën e tij vjetore, e cila pritet të rritet me të paktën 30 për qind nga 2.8 milionë në sezon që ai fiton aktualisht në rreth katër milionë euro.
Pas përfundimit zyrtar të sezonit, Milani është gati të fillojë negociatat me përfaqësuesit e lojtarit dhe të konfirmojnë rinovimin e kontratës.
Këngëtari nga Shkupi, Lindon Berisha së bashku me artistin nga Shqipëria Luiz Ejlli kanë lanësuar…
Qeveria merr vendim kolektiv, vendimet nuk janë individuale, theksoi sot ministrja e Financave, Gordana Dimitrieska…
“Vendimet e qeverisë janë kolektive dhe jo individuale”, kështu u përgjigj sot ministrja e Financave,…
Është me interes pubik që të dihet se çfarë kuadro ka partia Besa, respektivisht për…
Bashkimi Demokratik për Integrim (BDI) shpreh shqetësimin e saj për reagimin e fortë që po…
Bashkimi Demokratik për Integrim sot mbajti mbledhjen e përgjithshme të partisë në Gostivar. Kreu i…