“Legjitim po, parimor jo”, kështu e komenton gazetari dhe njohësi i zhvillimeve politike në vend, Driton Zenku, marrëveshjen e nënshkruar për bashkëpunim midis Bilall Kasamit dhe Agrim Gashit. Sipas tij, marrëveshja është jo parimore për shkak të së shkuarës së këtyre dy krerëve partiak.
“Legjitim po, parimor jo. Shkurt ky do të ishte vlerësimi mbi këtë bashkëpunim mes dy partive opozitare. Pse them legjitim? Janë dy subjekte politike që askush nuk mund t’ua mohojë bashkëpunimin mes tyre. Nuk është as hera e parë as do jetë e fundit. Fundja, edhe njëra edhe tjetra deri tani kanë bërë bashkëpunime pafund me parti të tjera. Jo parimor e mendoj për shkak të së shkuarës së tyre. Në vitin 2014 u formua Lëvizja Besa nga po këta protagonistë. Pas dallimeve dhe përꞔarjes së thellë në këtë subjekt politik, si fraksion lindi partia e re Alternativa. Ishin pikërisht Bilall Kasami dhe Afrim Gashi si protangonistë të ndarjes. Brenda këtyre viteve, u shkëmbyen akuza të ndërsjella mes tyre dhe as që diskutohej përafrimi apo bashkëpunimi. Por në politikë asnjëherë mos thuaj jo”, dthotë Zenku për Indeks.mk
Ai është i mendimit se ky bashkëpunim është i momentit, edhe pse momenti s’është “aspak i qëlluar”.
“Interes i momentit mund të jetë KSHZ dhe fondi që ndan shteti për partitë politike rreth marketingut politik në zgjedhje. Mendoj se momenti nuk është aspak i favorshëm nga fakti që vetëm një ditë para, NDI publikoi sondazhin ku Lëvizja Besa qëndronte me 1% përkrahje në elekotratit, e Alternativa as që ishte e ranguar në listë. Të thirresh në konsolidimin e opozitës me 1 për qind përkrahje për dallim nga dy subjektet politike në qeveri me 11 për qind (anketa e fundit BDI-ASH) disponim në opinionin publik, thirrja padyshim se është e zbehtë”, nënvizoi Zenku.
Të premten nga Lëvizja Besa kanë bërë të ditur se kryetari i kësaj partie, Bilall Kasami ka nënshkruar marrëveshje për bashkëpunim me Alternativën e Afrim Gashit. Në njoftim thuhet se është “momenti historik që imponon që të gjitha forcat politike shqiptare të bashkëpunojmë për ta deligjitimuar qeverisjen aktuale”.(Indeks.mk)
Këngëtari nga Shkupi, Lindon Berisha së bashku me artistin nga Shqipëria Luiz Ejlli kanë lanësuar…
Qeveria merr vendim kolektiv, vendimet nuk janë individuale, theksoi sot ministrja e Financave, Gordana Dimitrieska…
“Vendimet e qeverisë janë kolektive dhe jo individuale”, kështu u përgjigj sot ministrja e Financave,…
Është me interes pubik që të dihet se çfarë kuadro ka partia Besa, respektivisht për…
Bashkimi Demokratik për Integrim (BDI) shpreh shqetësimin e saj për reagimin e fortë që po…
Bashkimi Demokratik për Integrim sot mbajti mbledhjen e përgjithshme të partisë në Gostivar. Kreu i…