Në këtë shtet evropian njerëzit mbajnë vendin e parë për pastërti

Tre muajt e verës shpesh mund të bëhen të padurueshëm për shkak të vapës dhe larja e përditshme bëhet shumë e nevojshme.

Por çfarë ndodh në vende të ndryshme evropiane dhe sa shpesh lahen qytetarët e tyre?

Kjo është sipas një sondazhi të ri të titulluar “Përqindja e njerëzve që lahen çdo ditë në Evropë”.

Në këtë hulumtim shohim hartën evropiane me shkallëzime të ndryshme përsa i përket shpeshtësisë së larjes.

Italianët janë në vendin e parë mes qytetarëve që lahen çdo ditë, me një përqindje që arrin dhe e kalon 95%.

Pak më poshtë me një përqindje midis 85% dhe 94% është Portugalia, ndërsa vendin e tretë e ndajnë Greqia dhe Spanja me një përqindje njerëzish që lahen çdo ditë midis 75% dhe 84%.

Ndërsa ngjitemi veçanërisht në veri të kontinentit evropian, përqindja bie në mënyrë dramatike me shumicën e vendeve nën 65.

Megjithatë, përshtypje lë edhe Franca, e cila është në listën e vendeve ku qytetarët e saj pothuajse nuk lahen çdo ditë!

A na dëmton larja e përditshme?

Kohët e fundit, debati nëse larja çdo ditë ishte e nevojshme apo jo u bë kryefjalë falë disa prej zërave më me ndikim në Hollywood.

Pasi Jake Gyllenhaal i tha revistës Vanity Fair se gjithnjë e më shumë ai e sheh larjen “më pak të nevojshme”, shumë të famshëm të tjerë dolën në mbrojtje të higjienës personale me ndërprerje.

Mila Kunis dhe Ashton Kutcher kanë deklaruar se ata i pastrojnë fëmijët e tyre vetëm kur “mund të shohin papastërtitë mbi ta”, dhe në vitin 2008 Charlize Theron rrëfeu se ajo mund të kalojë një javë pa u larë.

Ndërkohë, Brad Pitt zbuloi gjatë xhirimeve të Inglourious Basterds se përdor peceta për fëmijë si zëvendësim për dushin dhe Cameron Diaz, Matthew McConaughey, Julia Roberts dhe Leonardo DiCaprio kanë kundërshtuar publikisht përdorimin e deodorantit.

/Shqip.com