Katër persona janë arrestuar, pasi të njëjtit sot janë përfshirë në një incident ku ka pasur të shtëna me armë zjarri, por pa të lënduar, në Lagjen “Bregu i Diellit” në Prishtinë.
Ngjarjen e ka konfirmuar për Telegrafi, Zëdhënësja e Policisë së Kosovës për Rajonin e Prishtinës, Flora Ahmeti.
“Rreth orës 18:30, policia ka marrë informatën për të shtëna me armë në rrugën “Gazmend Zajmi” në Prishtinë. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen”, ka thënë Ahmeti.
Sipas saj, bazuar në informacionet fillestare nuk raportohet për persona të lënduar.
“Lidhur me këtë rast zyrtarët policor të stacioneve veriu dhe qendra kanë arrit që në lagjen Arbëria, të ndalojnë një automjet të dyshuar dhe të gjejnë dhe sekuestrojnë një armë AK-47, të cilën njëri nga të dyshuarit e ka hedhë në mbeturina”, ka thënë ajo.Ahmeti ka thënë se deri tani në stacion policor janë shoqëruar në stacion katër persona, të cilët dyshohet se kanë qenë të përfshirë.
“Aktualisht hetuesit policor në koordinim me prokurorin e shtetit po ndërmarrin veprimet e nevojshme”, tha Ahmeti. /Telegrafi/
Këngëtari nga Shkupi, Lindon Berisha së bashku me artistin nga Shqipëria Luiz Ejlli kanë lanësuar…
Qeveria merr vendim kolektiv, vendimet nuk janë individuale, theksoi sot ministrja e Financave, Gordana Dimitrieska…
“Vendimet e qeverisë janë kolektive dhe jo individuale”, kështu u përgjigj sot ministrja e Financave,…
Është me interes pubik që të dihet se çfarë kuadro ka partia Besa, respektivisht për…
Bashkimi Demokratik për Integrim (BDI) shpreh shqetësimin e saj për reagimin e fortë që po…
Bashkimi Demokratik për Integrim sot mbajti mbledhjen e përgjithshme të partisë në Gostivar. Kreu i…